Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

232

же имъ подъ городомъ 12 дний,
и весть приде к ним: идеть Изясла
въ с Вячеславомъ в помочь че
рниговцем. Половци же, убоя
вшеся того, почаша подъни
матися прочь. Князи же, виде
вше: половци идут прочь, идоша
от Чернигова к Новугороду Севе
рьскому. Изяслав же приде к Че
рнигову и, не заставъ Гюргя,
воротися г Кыеву. Гюрги же,
оставя сына своего Василка
в Новегороде у Святослава, а сам
иде Суждалю. Изяслав же по
има брата Святополка и сына сво
его Мстислава, поиде к Нову
городу на Святослава и на Васи
лка. И став же у Всеволожа, отря
ди сына своего Мстислава на по
ловци с берендеи и с торкы,
и с печенегы, и с неколиком дру
жины своея. А сам приде к Но
вугороду, и не успевъ ничто
же, и нача слатися, мира про
ся. И, умиривъся, възврати
ся г Кыеву, а Василко иде къ
отцю Суждалю. Тогда же Мсти
славу Изяславичю поможе
Богъ на половци: самехъ прогна,
а веже ихъ поима, и коне и
скоты ихъ зая, и множьство
душь хрестьяныхъ отполони. И въ
звратишася в Переяславль,
хваляще Бога о таковей помо
щи, а отполоненыя отпусти в ро
женье свое. Тое же зимы пре
ставися Володимерко, гали
чьскый князь. В лето 6661.
Посла Изяславъ сына своего Мсти
слава на половци к Песлу, зане
пакостяхуть тогда по Суле. Онъ
же, не дошедъ ихъ, възвратися
опять. На ту же осень посла и
отець с вои протиу мачесе с Во
лодимеромъ съ Андреевичем
и с берендеи; и ходиша до Олешь
я и, не обретше ее, възврати
шася опять. На ту же зиму Изя
славъ, совкупивъся с братье
ю своею, поиде на Володиме
рковича в Галичь. И пришедшю
же ему к Теребовлю, здума
ша боляре Володимерковича
и реша князю своему: «Ты еси
у насъ князь одинъ. Оже то
бе ся что створить, то что нам де
яти? А поеди, княже, к городу,
атъ мы беемся сами со Изя
славомъ. А кто нас будеть жи
въ, а прибегнеть к тобе, а то
гда ся затворим в городе с тобо
ю». Изяслав же перешедъ к ним
чересъ реку Сьртъ и сступи
ша ся бить. И бысть сеча зла и ме
Нет перевода

6660 (1152 г.).
л. 112 об., стб. 1 - 113 об., стб. 2
Нач.: "В лето 6660. Посла Изяславъ сына своего Мстислава в Ляхы и в Угры, вабя и в помочь на Володимерка. Ляхове же не идоша, а угри идоша. И приде король съ угры и со Мстиславом и вшедъ в землю Володимеркову..."
Кон.:
"...И възвратишася в Переяславль, хваляще Бога о таковей помощи, а отполоненыя отпусти в роженье свое. Тое же зимы преставися Володимерко, галичьскый князь"

6661 (1153 г.).
л. 113 об., стб. 2 - 114, стб. 1
Нач.: "В лето 6661. Посла Изяславъ сына своего Мстислава на половци к Песлу, зане пакостяхуть тогда по Суле. Онъ же, не дошедъ ихъ, възвратися опять..."
Кон.:
"...На ту же нощь убоявъся Изяславъ, зане бе остался на полку с малою дружиною, река: Да не выспутся на нас из города. Повеле избити колодникы, а лутшие ихъ мужи веде с собою г Кыеву"

Показать все летописные статьи

наверх

© Российская национальная библиотека, 2012