Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

238

нача битися с ними из горо
да. Онем же обьсекшимъ
и в городе, многы крови про
ливахуться межи ими. Дру
зии же, уязвляеми, уми
раху. Георгий же, видя его
непокорьство к собе, сжали
си о погыбели людьстей, и
нача молвити и детем сво
имъ, и боляром своимъ: «Не
можемъ стояти сде, зане
онъ мнии буда не покори
тъ ми ся. А язъ не радую
ся погибели его, ни прогна
нью его, но, рекох, введу и въ
хрестное целованье, акоже
и братью его». Он же не всхоте
того, но паче радуется о
пролитьи крови. Георгий же,
здумавъ з детми своими
и с мужьми своими, и въ
звратися в Кыевъ, а зять
его иде в Галичь, в волость
свою. В лето 6665.
Выгнаша новгородци Мсти
слава Гюргевича, а Рости
славича посадиша Святосла
ва. Того же лета преставися
благоверный князь Гюрь
ги Володимеричь в Кые
ве, месяця мая въ 15 день.
И положиша и в церкви у
Спаса святаго на Берестовемь. То
го же лета ростовци и суждалци,
здумавше вси, пояша Ань
дрея, сына его старейшаго,
и посадиша и в Ростове, на о
тни столе, и Суждали, зане
же бе любимъ всеми за пре
многую его добродетель,
юже имяше преже к Богу и ко
всем сущим под нимъ. Темже
и по смерти отца своего вели
ку память створи, церкви у
краси и манастыря поста
ви. И церковь сконча, юже бе
заложилъ преже отець его, святаго
Спаса, камену. В лето 6666.
Заложи Андрей князь в Во
лодимери церковь каме
ну святую Богородицю, месяца априля
въ 8, в день святаго апостола Роди
она, во вторник. И да ей мно
го именья и свободы купле
ныя, и з даньми, и села ле
пшая, и десятины в стаде
хъ своихъ, и торгъ десяты
й, и городъ заложи болий.
Том же лете приед Леонъ на
епископью Ростову. На ту же зи
му выгна Изяслава Давыдови
ча ис Кыева Мстиславъ
Изяславичь, а сам седе Кы
еве, а Изяславъ бежа в Го
Нет перевода

6664 (1156 г.).
л. 116, стб. 2 - 116 об., стб. 1
Нач.: "В лето 6664. Преставися Феодосъ, игуменъ Печерскый, и по немъ Нифонтъ, епископъ Новгородьскый, месяца априля въ 18 день. И положиша и в Печерьстемь манастыре..."
Кон.:
"...Он же не всхоте того, но паче радуется о пролитьи крови. Георгий же, здумавъ з детми своими и с мужьми своими, и възвратися в Кыевъ, а зять его иде в Галичь, в волость свою"

6665 (1157 г.).
л. 116 об., стб. 1 - 116 об., стб. 2
Нач.: "В лето 6665. Выгнаша новгородци Мстислава Гюргевича, а Ростиславича посадиша Святослава. Того же лета преставися благоверный князь Гюрьги Володимеричь в Кыеве..."
Кон.:
"...Темже и по смерти отца своего велику память створи, церкви украси и манастыря постави. И церковь сконча, юже бе заложилъ преже отець его, святаго Спаса, камену"

6666 (1158 г.).
л. 116 об., стб. 2 - 117, стб. 1
Нач.: "В лето 6666. Заложи Андрей князь в Володимери церковь камену святую Богородицю, месяца априля въ 8, в день святаго апостола Родиона, во вторник..."
Кон.:
"...Тое же весны вда Мьстиславъ Ростиславу Кыевъ подъ собою, а сам иде Володимерю"

Показать все летописные статьи

наверх

© Российская национальная библиотека, 2012