Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

239

мъи, и оттоле погнаша и в Вя
тиче. Тое же весны вда Мь
стиславъ Ростиславу Кые
въ подъ собою, а сам иде Володи
мерю. В лето 6667. Пре
ставися Борисъ князь Гюрге
вичь, месяця мая въ 2 день.
И положиша и братья у святою
мученику, юже бе создалъ отець
его Гюрги на Нерли, идеже
бе становище святою мученику
Бориса и Глеба. Того же лета вы
гнаша ростовци и суждаль
ци Леона епископа, зане умно
жилъ бяше церковь, грабяй
попы. В то же лето преставися
митрополитъ Кыевскы
й Костянтинъ Чернигове.
Бе бо в то время выбеглъ
ис Кыева Мстислава [деля] Изя
славича. Бысть же и смерть его
сица, яко умираючи ему,
призва к собе епископа Черниго
вьского Антонья, закля
тъ и, глаголя сице: «Яко по умерь
твии моем не погребешь тела
моего, но ужемь поверзше
на нозе мои, извлечете мя
из града и повезете мя псо
мъ на расхытанье». По у
мертвии же его епископъ то все
створи, повеленая ему имь.
Народи же вси дивишася о
смерти его. На утрий же день
Святославъ князь, здумавъ
с мужи своими и съ епископомь,
вземше тело его и похоро
ниша в церкви у святаго Спаса Че
рнигове. В то же лето приде И
зяславъ Давыдовичь со множь
ство[мъ] половець к Чернигову.
Святослава же оба, Олговичь
и Всеволодичь, и Рюрикъ
Ростиславичь - бе бо в то вре
мя пришла к ним помочь от
отца - и бишася с ним о Десну.
Изяславу же стоящю с по
ловци, и велику пакость
створиша, села пожгоша, лю
ди повоеваша. Святослава же
оба посласта к Ростиславу,
помощи прося у него еще.
Ростислав же пусти к ним Я
рослава Изяславича и Во
лодимера Андреевича
и галичьскую помочь. Изя
слав же, слыша, отступиша
с половци в поле. Си же, прише
дше и не обретше его, бродиша
ся по нем за Десну, Святослава
оба и Рюрикъ. И отшедше ма
ло за днище и не обретше е
го, воротишася кождо в сво
я си. Изяслав же отступися
Нет перевода

6666 (1158 г.).
л. 116 об., стб. 2 - 117, стб. 1
Нач.: "В лето 6666. Заложи Андрей князь в Володимери церковь камену святую Богородицю, месяца априля въ 8, в день святаго апостола Родиона, во вторник..."
Кон.:
"...Тое же весны вда Мьстиславъ Ростиславу Кыевъ подъ собою, а сам иде Володимерю"

6667 (1159 г.).
л. 117, стб. 1 - 117 об., стб. 1
Нач.: "В лето 6667. Преставися Борисъ князь Гюргевичь, месяця мая въ 2 день. И положиша и братья у святою мученику, юже бе создалъ отець его Гюрги на Нерли, идеже бе становище святою мученику Бориса и Глеба..."
Кон.:
"...Изяслав же Давыдовичь и Изяславъ Андреевичь слышаша възвратившеся ихъ, и иде Изяславъ в Вятиче, а Ондреевичь Изяславъ воротися къ отцю своему Ростову"

Показать все летописные статьи

наверх

© Российская национальная библиотека, 2012