Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

250

по половцих. Михалко же, послу
шливъ сы, иде борзо по них, и
сгони ихъ за рекою Богомь с бе
рендеи и с торкы с воеводо
ю своимъ Володиславомь,
и наехаша дорогу ихъ и по
ехаша по них, и усретоша [я]
с полоном, бишася с ними,
и наши Божьею помощью и
нехъ избиша, а другыя и
звязаша, и рекоша имъ:
«Много ли ваших назади?» И
реша: «Мнози суть». И рече Володи
славъ: «Держим колодникы
се собе на смерть! Повели, кня
же, сечи [я]». И исекоша все, по
ехаша по дорозе и сретоша
и паки, и сступишася с ни
ми битъ, и поможе Богъ Ми
халку со Всеволодом на пога
ныя [и] дедня и отня молитва.
И сбыстся в неделю: самих пога
ных избиша, а другыя изъ
имаша, а полонъ свои отя
ша 400 чади и пустиша я во
своя си, а сами възврати
шася в Кыевъ, славяще
Бога и святую Богородицю, и креста честна
го. В лето 6680. Преста
вися благоверный князь
Глебъ кыевьскый Гюрге
вичь, и княжи в Кыеве
2 лета. И положиша и у Святаго
Спаса на Берестовемь, иде
же лежить отець его Гюрги.
Тое же зимы посла князь А
ндрей сына своего Мстисла
ва на болгары, и муромскы
й князь сына своего, и рязань
скый князь сына своего. Бысть не
любъ путь всем людем симь, за
не непогодье есть зиме воева
ти болгаръ, и подуче, не идя
ху. Бывшю же князю Мстисла
ву на Городьци, совкупльшю
ся [с] братома своима, с муро
мьскым и с рязаньскым на у
сть Окы. И ждаша дружины
2 недели и, не дождавше, еха
ша с переднею дружиною. Бо
рису Жидиславичю - воево
да бе в то время и нарядъ
весь держаше - и въехаша в по
ганыя без вести, взяша се
лъ 6, семое городъ, мужи
исекоша, а жены и дети по
има. Слышавше же болгаре
в мале дружине князя Мь
стислава пришедша, иду
ща опять с полоном, доспеша
вборзе, и поехаша по них въ
6000, за малым не постигоша
их за 20 верст князю Мсти
славу на устьи с малою дру
Нет перевода

6679 (1171 г.).
л. 122, стб. 2 - 122 об., стб. 1
Нач.: "В лето 6679. Родися у Мстислава сынъ у Андреевича, и нарекоша и в крещении Василий. Тое же зимы придоша половци на кыевьскую сторону и взяша множьство селъ..."
Кон.:
"...И сбыстся в неделю: самих поганых избиша, а другыя изъимаша, а полонъ свои отяша 400 чади и пустиша я во своя си, а сами възвратишася в Кыевъ, славяще Бога и святую Богородицю, и креста честнаго"

6680 (1172 г.).
л. 122 об., стб. 1 - 123, стб. 1
Нач.: "В лето 6680. Преставися благоверный князь Глебъ кыевьскый Гюргевичь, и княжи в Кыеве 2 лета. И положиша и у Святаго Спаса на Берестовемь, идеже лежить отець его Гюрги..."
Кон.:
"...Тое же зимы посла Андрей князь Кыеву княжить Романа Ростиславича, и прияша его с честью кыяне; а сынови Арополку да Смолинескъ"

Показать все летописные статьи

наверх

© Российская национальная библиотека, 2012