Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

261

стью граду сему и живущим
в немь. Постави бо преже гра
до-сь великий Володимеръ,
и потомъ князь Андрей. Се
го же Михаила избра святая
Богородица, якоже въ Еуангельи глаголеть:
«Исповедаю ти ся, Отче, Господи небеси
и земли». Яко утаилъ се от
премудрыхъ и разуменъ, от
крылъ еси младенцем, та
ко и зде не разумеша пра
вды Божья исправити, росто
вци и суждалци давнии
творящеся стареишии,
новии же людье мезини
и володимерьстии ура
зумевше, яшася по правъ
ду крепко. И рекоша вси со
бе: «Любо Михалка князя
собе налеземъ, а любо го
ловы свое положим за святу
ю Богородицю и за Михалка». И уте
ши и Богъ и святая Богородиця чюдотво
рная Володимерьская.
Егоже бо человекъ просить у Бога
всем сердцемь, то Богъ его не лиши
ть. Се бо володимерци про
славлени Богомь по всей земь
ли, за ихъ правду Богови имъ
помагающю. Потом же при
слашася к Михалкови кня
зю суждалци, рекуще: «Мы,
княже, на полку томь со Мсти
славом не были, но были с ним
боляре, а на нас лиха сердца не
держи, но поеди к нам». Миха
лко же еха в Суждаль, и и-
Суждаля Ростову, и створи
людем весь нарядъ, утве
рдивъся крестнымъ цело
ваньем с ними и честь возма
у них, и дары многы у Ро
стовець. И посади брата сво
его Всеволода в Переясла
вли, а сам възвратися Воло
димерю. В то же лето иде Ми
халко на Глеба к Рязаню.
И бывшю ему на Мерьско
й, усретоша и посли Гле
бови, рекуще: «Глебъ ся кля
няеть: “Азъ во всемь вино
ватъ, а ноне ворочю все,
что есмъ поималъ у шю
рину своею, у Мстисла
ва, и у Ярополка, и до золо
тника”», - и святую Богородицю взялъ
бяше у Володимерьско
е церкве; что и до книгъ, и
то все вороти. Михалко же
уладися с ним и еха опять
Володимерю. В лето 6685.
Преставися благоверный
и христолюбивыи князь Ми
халко, сынъ Гюргевъ, вну
Нет перевода

6684 (1176 г.).
л. 126 об., стб. 1 - 128, стб. 2
Нач.: "В лето 6684. Седящема Ростисла вичема в княженьи земля Ростовьскыя, роздаяла бяста по городомъ посадничьство Русьскым дедьцкимъ. Они же многу тяготу людем симъ створиша..."
Кон.:
"...что есмъ поималъ у шюрину своею, у Мстислава, и у Ярополка, и до золотника, - и святую Богородицю взялъ бяше у Володимерьское церкве; что и до книгъ, и то все вороти. Михалко же уладися с ним и еха опять Володимерю"

6685 (1177 г.).
л. 128, стб. 2 - 130 об., стб. 2
Нач.: "В лето 6685. Преставися благоверный и христолюбивыи князь Михалко, сынъ Гюргевъ, внукъ Мономаха Володимера, в суботу, заходящю солнцю, июня месяця въ 20 день, на память стаго отца Мефодья..."
Кон.:
"...По мале же дний всташа опять людье вси и бояре и придоша на княжь дворъ многое мьножьство съ оружьемъ, рекуще: Чего ихъ додержати хочемъ? Слепити! И князю же Всеволоду печалну бывшю, не могшю удержати людий множьства ихъ ради клича"

Показать все летописные статьи

наверх

© Российская национальная библиотека, 2012