Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

266

сыномъ своимъ Романом и с шю
риномъ Ярополкомъ, и дружи
на ихъ вся изъимана и все ве
льможи ихъ. Бысть радость вели
ка в Володимере, и на трети
й день бысть мятежь великъ в гра
де Володимери: всташа бо
яре и купци, рекуще: «Княже, мы
тобе добра хочемъ и за тя го
ловы свое складываемъ,
а ты держишь ворогы свое про
сты, а се ворози твои и наши -
суждалци и ростовци. Любо
и казни, любо слепи, али да
й нам». Князю же Всеволоду, благо
верну и богобоязниву, не хотя
ше того створити, повеле вса
дити ихъ в порубъ людий де
ля, абы утишился мятежь,
а по Ярополка посла глаголя ря
занцемъ: «Вы имете нашего
ворога, али иду к вамъ». Ряза
нци же, здумаша, рекуще: «Кня
зь нашь и братья наши погы
бли в чюжемъ князи». Ехавше
в Вороножь, яша его сами и
приведоша его в Володиме
рь и всадиша и ту же. По ма
ле же дний всташа опять лю
дье вси и бояре и придоша
на княжь дворъ многое мь
ножьство съ оружьемъ, ре
куще: «Чего ихъ додержати хо
чемъ? Слепити!» И князю же Все
володу печалну бывшю, не мо
гшю удержати людий мно
жьства ихъ ради клича.
В лето 6686. Новгородци це
ловавше ко Всеволоду Юргеви
чю крестъ и не управиша. Онъ
же иде к Торжьку в волость их
и не хотяше взяти города, бе
ша бо обещалися дань дати
ему новоторжьци, и не упра
виша. Дружина же Всеволожа
начаша князю жаловатися:
«Мы не целоватъ ихъ приеха
ли: они, княже, Богови лжють и то
бе». И се рекше, удариша в коне
и взяша городъ, мужи повяза
ша, а жены и дети на щитъ, и
товаръ взяша, а городъ пожго
ша весь за новгородьскую не
правду, оже на дни целують
крестъ честный и переступають.
Темже пророкомъ глаголеть нам: «Разу
мехъ, - рече, - яко жестокъ еси и ши
я железна [о] вые твоей. Того
ради удержах от васъ дождъ,
пределъ единъ одождихъ, а
другаго не одождих, исше. И по
разихъ вы зноемъ и различь
ными казньми, - то и ту не о
братистеся ко мне. Сего ради
Нет перевода

6685 (1177 г.).
л. 128, стб. 2 - 130 об., стб. 2
Нач.: "В лето 6685. Преставися благоверный и христолюбивыи князь Михалко, сынъ Гюргевъ, внукъ Мономаха Володимера, в суботу, заходящю солнцю, июня месяця въ 20 день, на память стаго отца Мефодья..."
Кон.:
"...По мале же дний всташа опять людье вси и бояре и придоша на княжь дворъ многое мьножьство съ оружьемъ, рекуще: Чего ихъ додержати хочемъ? Слепити! И князю же Всеволоду печалну бывшю, не могшю удержати людий множьства ихъ ради клича"

6686 (1178 г.).
л. 130 об., стб. 2 - 131, стб. 1
Нач.: "В лето 6686. Новгородци целовавше ко Всеволоду Юргевичю крестъ и не управиша. Онъ же иде к Торжьку в волость их и не хотяше взяти города, беша бо обещалися дань дати ему новоторжьци, и не управиша..."
Кон.:
"...И пригнавше дружина, яша князя Мстиславича Ярослава, сыновця ему, а городъ пожже. А людье бяху выбегли. А жита пожгоша и до всего, князь же Всеволодъ възвратися в Володимерь"

Показать все летописные статьи

наверх

© Российская национальная библиотека, 2012