Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

267

винограды ваша, и нивы ваша,
и дубравы устроихъ, а злобъ
ваших не могохъ истерти». Заха
рья бо пророкъ серпъ виде огненъ
съ небесе грядущь, и рече: «На кого, Господи,
послалъ еси серпъ сий?» Рече ему
Господь: «На кленущая именем моим
и преступающе. Клятволюбе
ць бо мужь всякъ потребится».
Князь же Всеволодъ взя городъ
Торжекъ месяця декамбря въ 8
день, на память святаго Потапья.
Полонъ пусти в Володимерь, а сам,
пе[ре]бравъ дружины неколико,
еха к Ламьскому Волоку и пу
сти на воропъ. И пригнавше
дружина, яша князя Мстисла
вича Ярослава, сыновця ему,
а городъ пожже. А людье бяху
выбегли. А жита пожгоша и до
всего, князь же Всеволодъ въ
звратися в Володимерь.
В лето 6687. Преставися
Новегороде пороздное неделе
князь Мстиславъ Ростисла
вичь, внукъ Гюргевъ, положе
нъ бысть въ святей Софьи. В лето
6688. Преставися князь Мь
стиславъ, сынъ Ростиславль,
внукъ Мстиславль, в суботу
50-ю, и положенъ бысть в святей Со
фьи, юже созда Володимеръ
Ярославичь. В то же лето присла
стася Глебовича - Всеволодъ
и Володимеръ - ко Всеволоду
Юргевичю, рекуще: «Ты господинъ,
ты отець, брат наю старейши
й Романъ уймаеть волости
у наю, слушая тестя своего
Святослава, а к тобе крестъ целова
лъ и переступилъ». Князь же Все
володъ иде к Рязаню. И бывшю
ему у Коломны, сретоста и
та брата княжича с поклоном.
Князь же Всеволодъ прия ею
в любовь и поидоша от Коломны.
Ту в Коломне Святославича Гле
ба я князь Всеволодъ и посла
и в Володимерь. Сторожеве же
Романови перебродилися бя
ху чересъ Оку и усретошася
с нашими сторожи, и Богъ помо
же нашим сторожемъ. Они же
побегоша, а наши погнаша и
притиснуша ихъ к реце Оце:
ини избиша, другыя изъима
ша, а ини истопоша. Роман же,
то слышавъ, побеже в поле ми
мо Рязань, а братью свою, Иго
ря и Святослава, затвори в Ряза
ни. Князь же Всеволодъ иде к Ря
заню, взя городъ Борисовъ Гле
бовъ, пришед же к Рязаню, ми
ръ створи с Романомъ и со Иго
Нет перевода

6686 (1178 г.).
л. 130 об., стб. 2 - 131, стб. 1
Нач.: "В лето 6686. Новгородци целовавше ко Всеволоду Юргевичю крестъ и не управиша. Онъ же иде к Торжьку в волость их и не хотяше взяти города, беша бо обещалися дань дати ему новоторжьци, и не управиша..."
Кон.:
"...И пригнавше дружина, яша князя Мстиславича Ярослава, сыновця ему, а городъ пожже. А людье бяху выбегли. А жита пожгоша и до всего, князь же Всеволодъ възвратися в Володимерь"

6687 (1179 г.).
л. 131, стб. 1 - 131, стб. 1
Нач.: "В лето 6687. Преставися Новегороде пороздное неделекнязь Мстиславъ Ростиславичь, внукъ Гюргевъ..."

6688 (1180 г.).
л. 131, стб. 1 - 131 об., стб. 1
Нач.: "В лето 6688. Преставися князь Мьстиславъ, сынъ Ростиславль, внукъ Мстиславль, в суботу 50-ю, и положенъ бысть в святей Софьи, юже созда Володимеръ Ярославичь..."
Кон.:
"...И, порядъ створивъ всей братьи, роздавъ имъ волость ихъ, комуждо по старейшиньству, възвратися в Володимерь"

Показать все летописные статьи

наверх

© Российская национальная библиотека, 2012