Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

268

ремъ, на всеи воли Всеволожи
целоваша крестъ. И, порядъ ство
ривъ всей братьи, роздавъ и
мъ волость ихъ, комуждо по
старейшиньству, възврати
ся в Володимерь. В лето 6689.
Приде князь Всеволоди
чь Святославъ с новгородци и с по
ловци с погаными и с черни
говци на Всеволода Юргеви
ча. Всеволодъ же поиде проти
ву ему и усрете и на Влене
на реце. И стояше промежи
собою две недели. Дружина
же Всеволожа хотяхуть кре
пко ехати на Святослава. Все
володъ, благосердъ сы, не хотя
крове прольяти не еха на нь,
он же стоявъ 2 недели, у
бояся разводья, пожга горо
дъ Дмитровъ, възвратися
опять в Русь. А князь Всеволо
дъ в Володимерь. В лето
6690. Новгородци приведо
ша к собе Володимера Святосла
вича, а Ярополку даша Торъ
жекъ. Он же, седя на Торжку,
поча воевати Волгу люди
Всеволоже. Князь же Всево
лодъ изъездомъ еха к Торъ
жку. И, приехавъ, стоя около
города месяць, и людье изне
могошася в городе з голода
и конину ядяху, и передашася.
И взяша городъ, а князя Яро
полка яша, и възвратися с по
бедою в Володимерь, а новго
родци приведъ в Володимерь,
пусти ихъ опять на Торжекъ.
В лето 6691. Преставися
благоверная княгыни Олга,
нареченая чернечьскы Еу
фросинья, месяца иулия въ
4 день. И положена бысть в святей
Богородици в Володимери. В лето
6692. Иде князь Всеволодъ [на болгары]
со Изяславомъ Глебовичемъ,
сыновцемъ своимъ, и с Володи
меромь Святославичемъ, и съ
Мстиславомъ Давыдовичемъ, и съ
Глебовичи рязаньскаго, с Ро
маномъ, и со Игоремъ, и со Все
володомъ, и с Володимеромъ,
и с муромьскымъ Володиме
ромъ. Приде в землю Болгарь
скую и, выседъ на берегъ, по
иде к Великому городу и ста
у Тухчина городка. И, пересто
явъ ту 2 дни, поиде на трети
й день к Великому городу. Сто
рожемъ напередъ ездящим, отто
ле же белозерскый полкъ отря
ди къ лодьямъ, а воеводьство
да Фоме Лазковичю. Пошедшю
Нет перевода

6688 (1180 г.).
л. 131, стб. 1 - 131 об., стб. 1
Нач.: "В лето 6688. Преставися князь Мьстиславъ, сынъ Ростиславль, внукъ Мстиславль, в суботу 50-ю, и положенъ бысть в святей Софьи, юже созда Володимеръ Ярославичь..."
Кон.:
"...И, порядъ створивъ всей братьи, роздавъ имъ волость ихъ, комуждо по старейшиньству, възвратися в Володимерь"

6689 (1181 г.).
л. 131 об., стб. 1 - 131 об., стб. 1
Нач.: "В лето 6689. Приде князь Всеволодичь Святославъ с новгородци и с половци с погаными и с черниговци на Всеволода Юргевича..."
Кон.:
"...он же стоявъ 2 недели, убояся разводья, пожга городъ Дмитровъ, възвратися опять в Русь. А князь Всеволодъ в Володимерь"

6690 (1182 г.).
л. 131 об., стб. 1 - 131 об., стб. 2
Нач.: "В лето 6690. Новгородци приведоша к собе Володимера Святославича, а Ярополку даша Торъжекъ. Он же, седя на Торжку..."
Кон.:
"...И взяша городъ, а князя Ярополка яша, и възвратися с победою в Володимерь, а новгородци приведъ в Володимерь, пусти ихъ опять на Торжекъ"

6691 (1183 г.).
л. 131 об., стб. 2 - 131 об., стб. 2
Нач.: "В лето 6691. Преставися благоверная княгыни Олга, нареченая чернечьскы Еуфросинья..."

6692 (1184 г.).
л. 131 об., стб. 2 - 132, стб. 2
Нач.: "В лето 6692. Иде князь Всеволодъ [на болгары] со Изяславомъ Глебовичемъ, сыновцемъ своимъ, и с Володимеромь Святославичемъ, и съ Мстиславомъ Давыдовичемъ, и съ Глебовичи рязаньскаго, с Романомъ..."
Кон.:
"...И ту на исадех Богъ поя Изяслава, и вложиша и в лодью. Князь же Всеволодъ възвратися в Володимерь, а коне пусти на мордву, а Изяслава привезъше, положиша и у святое Богородици Володимери"

Показать все летописные статьи

наверх

© Российская национальная библиотека, 2012