Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

269

же князю в поле, узреша наши
сторожеве полкъ в поли. И мня
ху болгарьскый полкъ, и прие
хаша 5 мужь ис полку того
и удариша челомъ передъ кня
земъ Всеволодомъ и сказаша
ему речь: «Кланяются, княже,
половци Емякове. Пришли есь
мы со княземъ Болгарьскым во
еватъ болгаръ». Князь же Всево
лодъ, здумавъ с братьею свое
ю и с дружиною, води ихъ в роту
в половьцьскую, поима ихъ,
поиде к Великому городу. И при
де князь к городу и перешедъ
Черемисанъ въ 1 день. Наря
ди полкы, а самъ поча дума
ти с дружиною. Изяславъ же Гле
бовичь, внукъ Юргевъ, доспе
въ с дружиною, возма копье,
потъче къ плоту, кде бяху пе
ши вышли из города, твердь
учинивше плотомь. Он же,
въгнавъ за плотъ к воротомъ
городнымъ, изломи копье,
и ту удариша его стрелою
сквозе броне подъ сердце. И при
несоша и ле жива в товары. Бо
лгаре же из города и в Собеку
ля и из Челмата поидоша въ
лодьях, а ис Торцьскаго на ко
нихъ, на лодье наши. И прие
хавше имъ на лодье, наши же,
Божьею помощью укрепляе
ми, поидоша противу имъ.
Они же, видевше, побегоша,
а наши погнаша, секуще пога
ныя Бохмиты. И прибегше
к Волзе [въскакаша] въ учаны, и ту абье
опровергоша учаны. И та
ко истопоша боле тысячи ихъ,
Божьимъ гневомъ гоними
и святою Богородицею и Всеволода кня
зя молитвою. Князь же Всеволо
дъ стоявъ около города 10 дни.
Видевъ брата изнемагающа,
и болгаре выслалися бяху к не
му с миромъ, поиде опять
къ исадомъ. И ту на исадех
Богъ поя Изяслава, и вложи
ша и в лодью. Князь же Всево
лодъ възвратися в Володи
мерь, а коне пусти на мордву,
а Изяслава привезъше, положи
ша и у святое Богородици Володимери.
В лето 6693. Князь Всево
лодъ посла г Кыеву к Святосла
ву къ Всеволодичю и к ми
трополиту Никифору, прося
епископа, хотя поставити Луку,
смеренаго духомь, кроткого и
гумена святого Спаса на Берестовем.
Митрополитъ же Никифоръ
не хотяше поставити его, за
Нет перевода

6692 (1184 г.).
л. 131 об., стб. 2 - 132, стб. 2
Нач.: "В лето 6692. Иде князь Всеволодъ [на болгары] со Изяславомъ Глебовичемъ, сыновцемъ своимъ, и с Володимеромь Святославичемъ, и съ Мстиславомъ Давыдовичемъ, и съ Глебовичи рязаньскаго, с Романомъ..."
Кон.:
"...И ту на исадех Богъ поя Изяслава, и вложиша и в лодью. Князь же Всеволодъ възвратися в Володимерь, а коне пусти на мордву, а Изяслава привезъше, положиша и у святое Богородици Володимери"

6693 (1185 г.).
л. 132, стб. 2 - 134, стб. 2
Нач.: "В лето 6693. Князь Всеволодъ посла г Кыеву к Святославу къ Всеволодичю и к митрополиту Никифору, прося епископа, хотя поставити Луку, смеренаго духомь, кроткого игумена святого Спаса на Берестовем..."
Кон.:
"...Дружина ополонишася и колодникы поведоша, оружья добыша и конь. И възвратишася домовь, славяще Бога и святую Богородицю, скорую помощницю роду хрестьяньску"

Показать все летописные статьи

наверх

© Российская национальная библиотека, 2012