Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

280

ка в граде Володимери; Яро
славу Володимеричю ту на
свадбе, а из Мурома Давыдъ Ю
ргевич. И потомь разидошася
в своя си кождо ихъ. Того же лета
бысть болесть силна в людех вель
ми, - не бяше бо ни одиного же
двора безъ болнаго, а в-ыном
дворе некому бяше ни воды
подати. Богъ бо казнить рабы сво
я напастми различными:
водою и огнемь и болезнь
ми тяжкыми. Но аще беза
конья наша назриши, Господи, то
кто постоить, - ты бо веси на
ша согрешенья, Владыко, подви
занье на зло. И Давыдъ пророкъ глаголе
ть: «Наказая, накажи мя, Господи,
но смерти не предажь мене». И
Соломонъ премудрый глаголеть: «Бо
лестемъ, в лете часто пребы
вающим, и сама смерть не о
бленится прити». Исайя пророкъ
глаголеть: «Господи, в печали помяну
хом тя», и прочая. Яко створихом,
тако и прияхом, но обаче на
деемся на милость великаго
Бога. Кажет ны добре благый
Владыка: не по безаконью наше
му створи нам, ни по грехом на
шим въздасть нам, человеколюбець.
Того же лета исписана бысть церкы
святая Богородица в граде Ростове блаже
нымъ Лукою епископомъ. Того же лета
иде великый князь Всеволо
дъ Юргевичь, внукъ Володиме
рь, на Рязань съ Ярославомъ
Володимеричем, с свояком свои
мъ, и с Володимером муромскым
Юргевичем. И Всеволодъ Глебо
вичь ис Коломны иде с ними
на братью свою, и переброди
вше Оку, идоша к Попову. И взя
ша села вся и полонъ многъ
и възвратишася в своя си о
пять, землю ихъ пусту створи
вше и пожгоша всю. В лето
6696, месяця марта въ 18
день, в среду вербное недели.
Преставися Володимеръ Гле
бовичь Переяславли, внукъ
великаго князя Георгия.
Того же лета преставися Бо
рисъ Всеволодичь. Того же
лета прислашася новгородци
к великому князю Всеволо
ду, прося Ярослава Володи
мерича, свояка его. Он же
отпусти и с ними с честью ве
ликою Новугороду. Того же лета,
на зиму, месяця февраля въ
17 день бысть гром страшенъ, за
рази двое чади и храмину
зажже. Якоже Давидъ пророкъ
Нет перевода

6695 (1187 г.).
л. 137, стб. 1 - 137 об., стб. 2
Нач.: "В лето 6695, месяця мая въ 2 день, на пренесенье святою мученику Бориса и Глеба, родися у Всеволода, князя великаго, сынъ, и нарекоша имя ему в святемь крещении Борисъ..."
Кон.:
"...И Всеволодъ Глебовичь ис Коломны иде с ними на братью свою, и перебродивше Оку, идоша к Попову. И взяша села вся и полонъ многъ и възвратишася в своя си опять, землю ихъ пусту створивше и пожгоша всю"

6696 (1188 г.).
л. 137 об., стб. 2 - 138, стб. 1
Нач.: "В лето 6696, месяця марта въ 18 день, в среду вербное недели. Преставися Володимеръ Глебовичь Переяславли, внукъ великаго князя Георгия..."
Кон.:
"...Наказая, накажи ны, Господи. Смерти не предажь нас, Господи. В печали помянухомъ тя, в печали мало наказанье твое есть нам. Стрясе землю и смяте ю, яви людемъ своим жесткая по делом ихъ"

Показать все летописные статьи

наверх

© Российская национальная библиотека, 2012