Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

281

глаголеть: «Призирая на землю, творя
ю трястися, прикасаяся, в горах
вскурятся. Аще безаконья наша
назриши Господи, то кто постоить
пред тобою воину?» Исайя пророкъ
глаголеть: «Наказая, накажи ны, Господи.
Смерти не предажь нас, Господи. В пе
чали помянухомъ тя, в печали
мало наказанье твое есть нам.
Стрясе землю и смяте ю, яви
людемъ своим жесткая по де
лом ихъ». В лето 6697. Кня
зь великый Всеволодъ отда дче
рь свою Верхуславу Белугоро
ду за Рюриковича Ростисла
ва, месяця иуля въ 1 день.
Того же лета священа бысть церкы сборна
я святая Богородиця великым священьем
блаженымь епископомъ Лукою при
князи великом Всеволоде и
сыне его Костянтине, и Яро
славичи Ростиславе, зяти е
го. И бысть радость велика в гра
де Володимери, и священа бысть
на канунъ святое Богородици Успень
я. Того же лета преставися Гле
бъ княжичь, месяця семтября
въ 29 день. Того же лета пре
ставися благоверныи блаже
ный епископъ Лука Ростовскы
й [и] Володимерьскый, месяця
ноября въ 10 день. Спрята
вше тело его князь ве[ли]кый
Всеволодъ Гюргевич съ игуме
ны и с черньци, с клирошаны,
с попы положиша и у святое
Богородици в граде Володимери въ
11 ноября, на пямять святыхъ
Мины и Виктора, и Викенть
я. Того же лета родися у Все
волода сынъ, и нарекоша и въ
святъмь крещеньи Георгий.
В лето 6698. Посла благо
верный христолюбивый вели
кый князь Всеволодъ, сынъ
Гюргевъ, внукъ Мономахо
въ Володимерь, г Кыеву Свято
славу ко Всеволодичю и к ми
трополиту Никифору отця
своего духовнаго Иоана на епископь
ство. Якоже Господь глаголеть: «На кого при
зрю? Не на кроткаго ли и на
смеренаго, и трепещющаго
словесъ моих?» - тако и на сего
блаженаго призре Богъ и святая
Богородиця, хотящю его поставити
служителя своей церкви и
пастуха всей земли Росто
вьскои и Суждальскои, и Во
лодимерьскои, еже и бысть. По
ставлен же бысть месяця генваря
въ 23 день, на память святаго мученика
Климента, епископа. А в Росто
въ пришелъ на свои столъ
Нет перевода

6696 (1188 г.).
л. 137 об., стб. 2 - 138, стб. 1
Нач.: "В лето 6696, месяця марта въ 18 день, в среду вербное недели. Преставися Володимеръ Глебовичь Переяславли, внукъ великаго князя Георгия..."
Кон.:
"...Наказая, накажи ны, Господи. Смерти не предажь нас, Господи. В печали помянухомъ тя, в печали мало наказанье твое есть нам. Стрясе землю и смяте ю, яви людемъ своим жесткая по делом ихъ"

6697 (1189 г.).
л. 138, стб. 1 - 138, стб. 2
Нач.: "В лето 6697. Князь великый Всеволодъ отда дчерь свою Верхуславу Белугороду за Рюриковича Ростислава, месяця иуля въ 1 день..."
Кон.:
"...Того же лета родися у Всеволода сынъ, и нарекоша и въ святъмь крещеньи Георгий"

6698 (1190 г.).
л. 138, стб. 2 - 138 об., стб. 1
Нач.: "В лето 6698. Посла благоверный христолюбивый великый князь Всеволодъ, сынъ Гюргевъ, внукъ Мономаховъ Володимерь, г Кыеву Святославу ко Всеволодичю и к митрополиту Никифору отця своего духовнаго Иоана..."
Кон.:
"...Того же лета родися у благоверьнаго и христолюбиваго князя Всеволода сынъ, месяця февраля въ 8 день, на память святаго пророка Захарьи, и нарекоша и въ святъмь крещеньи Феодоръ. И тогда сущю князю великому в Переяславли, в полюдьи"

Показать все летописные статьи

наверх

© Российская национальная библиотека, 2012