Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

284

трофана, патриарха Костянти
награда. Того же лета, месяца августа,
обновлена бысть церкы святое Богородици
Володимери, яже бе ополе
ла в великый пожаръ, блаже
ным епископомь Иваном и при благо
вернемь и христолюбивемь кня
зи Всеволоде Юргевичи. И бысть
опять акы нова, и бысть радость ве
лика в граде Володимери.
Того же лета, месяца семтября, обновле
на бысть церкы святая Богородица в Су
ждали, яже бе опадала ста
ростью и безнарядьем, те
м же блаженыимь епископомь И
ваном, и покрыта бысть олово
мъ от верху до комаръ и до
притворовъ, - и то чюду подо
бно, молитвою святое Богородици и его
верою. А иже не ища масте
ровъ от Немець, но налезе
мастеры от клевретъ святое Богородици
и своихъ: иных олову лья
ти, иных крыти, иных изви
стью белити. Отверзене бо
ему беста от Бога очи сердечне
и на церковную вещь, оже пе
щися церковными вещьми
и клирикы, ако правому
пастуху, а не наимнику.
Того же лета родися у благоверна
го и христолюбиваго князя Все
волода, сына Гюргева, внука
Володимеря Мономаха, сынъ,
месяца октября въ 25, на память
святого Маркиана и Мартурь
я, в канунъ святаго Дмитрия.
И нареченъ бысть в святемь крещень
и Дмитрий. В лето 6703.
Посла благоверный и христолюби
вый князь Всеволодъ Гюрге
вич тивуна своего Гюрю с лю
дми в Русь и созда град на Горо
дци на Въстри, обнови свою
отчину. Того же лета преставися
князь рязаньскый Игорь,
сынъ Глебовъ, и положенъ бысть
у святою мученику Бориса и Глеба.
Того же лета заложи благоверный
и христолюбивый князь Всеволо
дъ Юргевич град Переяславль,
месяця иуля въ 29 день,
на память святаго мученика Калинни
ка. Того же лета и срубленъ бысть.
Того же лета преставися князь
Кыевьскый Святославъ и по
ложенъ бысть в манастыри въ
церкви стаго Кирила, юже бе со
здалъ отець его. И посла вели
кый князь Всеволодъ муже
свое в Кыевъ и посади в Кы
еве Рюрика Ростиславича.
В лето 6704, месяца марта
въ 27 день, на память святое
Нет перевода

6702 (1194 г.).
л. 139, стб. 2 - 139 об., стб. 2
Нач.: "В лето 6702. Быша постригы у благовернаго и христолюбиваго князя Всеволода, сына Георгева, сыну его Ярославу, месяца априля въ 27 день..."
Кон.:
"...Того же лета родися у благовернаго и христолюбиваго князя Всеволода, сына Гюргева, внука Володимеря Мономаха, сынъ, месяца октября въ 25, на память святого Маркиана и Мартурья, в канунъ святаго Дмитрия. И нареченъ бысть в святемь крещеньи Дмитрий"

6703 (1195 г.).
л. 139 об., стб. 2 - 139 об., стб. 2
Нач.: "В лето 6703. Посла благоверный и христолюбивый князь Всеволодъ Гюргевич тивуна своего Гюрю с людми в Русь и созда град на Городци на Въстри, обнови свою отчину..."
Кон.:
"...И посла великый князь Всеволодъ муже свое в Кыевъ и посади в Кыеве Рюрика Ростиславича"

6704 (1196 г.).
л. 139 об., стб. 2 - 140, стб. 1
Нач.: "В лето 6704, месяца марта въ 27 день, на память святое мученици Матроны. Родися у благовернаго и христолюбиваго великаго князя Всеволода Юргевича сынъ..."
Кон.:
"...церковь камену во имя Акыму и Анны, месяца мая въ 1 день, на память святаго пророка Иеремия при блговернемъ и христолюбивемъ велицемь князи Всеволоде"

Показать все летописные статьи

наверх

© Российская национальная библиотека, 2012