Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

285

мученици Матроны. Родися у
благовернаго и христолюбиваго ве
ликаго князя Всеволода Ю
ргевича сынъ и нареченъ бысть въ
святомь крещении Гаврило. То
го же лета заложи блаженый епископъ
Иоан на воротех святое Богородици церковь
камену во имя Акыму и А
нны, месяца мая въ 1 день, на
память святаго пророка Иеремия при
блговернемъ и христолюбивемъ
велицемь князи Всеволоде.
[…] (1) и врагъ дьяволъ, иже не преста
еть, воюя на род хрестьяньскый,
тако и все князи Русскые вло
жи на вражду. Романко поча
пущати дчерь Рюрикову, хотя
шеть ю постричи. Рюрикъ же
посла к великому князю Все
володу, река: «Брате и свате, Ро
манко от нас отступилъ и кресть
целовалъ къ Олговичем. А бра
те и свате, пошли грамоты хресть
ные, поверзи имъ, а сам поиди
на конь». Тое же зимы посла
Давыдъ и-Смолиньска сыновца
своего Мстислава, свата
великого князя Всеволода,
в помочь зятю своему на Ви
тепескъ. И победи его Васи
лко с черниговци и Мстисла[ва],
свата княжа, яша и ведоша
и Чернигову. То слышавъ,
великый князь Всеволодъ,
оже Давыдовъ полкъ побеже
нъ и сватъ ему ятъ, и от Рю
рика речь слышавъ, ту зиму
перестряпъ, на лето вседе
на конь про свата своего
и подъ Рюрикомъ твердя
Кыевъ. И поиде к Черниго
ву с Рязаньскыми князи
и Муромьскыми и Давыдъ и-
Смолиньска. Рюрикъ же не
управи своее речи и при
ступи къ Олговичем. Князь
же великый внида в волость
ихъ, поима городы Вятьскы
е и землю ихъ пусту ство
ри. Ярослав же и Олговичи,
не могуще стати противу
ему, поклонишася ему.
Князь же великый, давъ имъ
миръ, възвратися в град Воло
димерь месяця октября въ 6
день, на память святаго апостола Фо
мы. И бысть радость велика в гра
де Володимери. Тое же осе
ни священа бысть церкы Рождество свято
е Богородици, юже создалъ великы
й князь Всеволодъ, месяца о
ктября въ 27 день, на память
святое мученици Капето
лины. Тое же Осени
Нет перевода

6704 (1196 г.).
л. 139 об., стб. 2 - 140, стб. 1
Нач.: "В лето 6704, месяца марта въ 27 день, на память святое мученици Матроны. Родися у благовернаго и христолюбиваго великаго князя Всеволода Юргевича сынъ..."
Кон.:
"...церковь камену во имя Акыму и Анны, месяца мая въ 1 день, на память святаго пророка Иеремия при блговернемъ и христолюбивемъ велицемь князи Всеволоде"

6705 (1197 г.).
л. 140, стб. 1 - 140 об., стб. 1
Нач.: "И врагъ дьяволъ, иже не престаеть, воюя на род хрестьяньскый, тако и все князи Русскые вложи на вражду. Романко поча пущати дчерь Рюрикову, хотяшеть ю постричи..."
Кон.:
"...Тое же зимы принесена [бысть] дска ис Селуня гробная ста Дмитрия, месяца геньваря въ 10 день, на память святаго отца Григорья Нисьскаго"

Показать все летописные статьи

наверх

© Российская национальная библиотека, 2012