Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

295

менье на небеси в солнци, месяца фе
враля въ 28 день, в среду сырно
е недели, и стоя от полуденье до ме
фимона. Остало бо ся его бя
ше акы месяць в настатьи 1-го
дне, мнози бо вернии человеци,
зряще, моляхуся Богу, дабы Богъ
обратилъ знаменье то на
добро. Того же дне и Костянти
нъ князь приеха из Новагоро
да къ отцю своему, и сретоша
и на реце Шедашце вся брать
я его: Георгий, Ярославъ, Во
лодимеръ, Святославъ, Иоан и
вси мужи отца его, и горожа
не вси от мала и до велика. И
братья, его видевше, с радостью по
клонишася ему, и целоваше
и любезно вси людье и въеха
ша в градъ Володимерь. И по
клонися отцю своему Костя
нтинъ. Отець же его вставъ, о
буимъ и целова любезно и
с радостью великою, якоже Ияко
въ патриархъ Иосифа Пре
краснаго видевъ. В лето
6715. Поидоша Олговичи вси
опять на Рюрика г Кыеву: Все
володъ Чермный с своею бра
тьею и с своими сыновци,
а ис Турова и ис Пиньска Свято
полчи[чи]. И придоша до Днепра,
и перебродишася противу го
роду Треполю, обиступиша, и
бысть брань крепка зело. Бяше
бо ся затворилъ в нем Яросла
вль, сынъ Володимерича, и сто
яша у него 3 недели, и изнемо
гшим людем в граде, предашася
ему. Он же, омиривъ их, и у
стремися на Кыевъ и из Га
лича приде к нему Володи
меръ Игоревич. Рюрик же, то
слышавъ, оже идеть на нь ра
ть бесщисленая отвсюду, и
не бысть ему ни от кого же помо
чи. Он же въ Вручий бежа и
с Кыева. Они же придоша г Кы
еву, и бысть ему весть, оже Рю
рикъ шелъ въ Вручий, а Беле
городе затворился Мстисла
въ Романович. Они же устре
мишася на Белъгородъ и, при
шедше, оступиша и. И бысть бра
нь люта, и люди же изнемага
хуся в граде. Видевъ же Мсти
славъ вои множство около го
рода, и не бысть ему помочи ни
откуду же. И нача просити пу
ти у него, и Всеволодъ цело
ва к нему крестъ и да ему путь.
Он же иде Смолиньску в сво
ю отчину. Си же придоша к То
ръцьскому. Мстислав же
Нет перевода

6714 (1206 г.).
л. 142, стб. 1 - 145, стб. 1
Нач.: "В лето 6714, месяца марта въ 30 день, на память святое мученици Евдокеи. Всеволодъ, великый князь, посла сына своего Костянтина Новугороду Великому на княженье..."
Кон.:
"...И поклонися отцю своему Костянтинъ. Отець же его вставъ, обуимъ и целова любезно и с радостью великою, якоже Ияковъ патриархъ Иосифа Прекраснаго видевъ"

6715 (1207 г.).
л. 145, стб. 1 - 147 об., стб. 1
Нач.: "В лето 6715. Поидоша Олговичи вси опять на Рюрика г Кыеву: Всеволодъ Чермный с своею братьею и с своими сыновци, а ис Турова и ис Пиньска Святополчи[чи]..."
Кон.:
"...бысть помрачена вся и остася ея мало, акы месяць в настатьи перваго дне, и стоя до вечера и до полуночи. Тое же зимы ходиша Олговичи на Кыевъ на Рюрика и, не успевше ничто же, възвратишася"

Показать все летописные статьи

наверх

© Российская национальная библиотека, 2012