Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

301

му и христолюбивому князю Костя
нтину, и нарекоша имя ему въ
святемь крещеньи Василий. И бысть ра
дость велика в граде Ростове. Тое
же зимы великый князь Всеволо
дъ посла сыны своя, Костянтина
с братьею его, на Мстислава
Мстиславича на Торжекъ. Мсти
слав же, слышавъ, оже идет на нь
рать, изиде ис Торжку Новугоро
ду, а оттуда иде в Торопець в сво
ю волость. Костянтин же с сво
ею братьею възвратишася со Ть
фери, и Святославъ приде к ним из Но
вагорода. И ехаша вси къ отцю
своему в Володимерь. В лето
6718. Великый князь Всеволо
дъ посла с полком Кузму Ратьши
ча, меченошю своего, и взя Те
пру и възвратися со многым по
лоном в Володимерь. Того же лета
прислаша с молбою к велико
му князю Всеволоду митро
полита Матфея Всеволодъ
Чермный и вси Олговичи,
прося мира и во всем покаря
ющеся. Великый же князь, виде
въ покоренье ихъ к собе, не по
мяна злобы ихъ, целова к ним
крестъ, а митрополита учреди
въ, отпусти и с честью. Того же
лета седе Всеволодъ пакы
в Кыеве, а Рюрикъ Чернигове.
Тое же весны приходиша поло
вци к Переяславлю и повое
ваша многа села, возвратиша
ся с полоном многым в своя си.
И много зла створше безбожни
и иноплеменници. Того же лета,
месяца иуня въ 18 днь, на па
мять святаго мученика Леонтия и дру
жины его, родися Костянти
ну сынъ Всеволодъ, а въ святемь
крещеньи нарекоша ему имя Иоан.
В лето 6719. Великый князь
Всеволодъ ожени сына свое
го Георгия Всеволожною Кы
евьского князя и венчанъ
бысть в святей Богородици в Володимери
епископмь Иоаномь. И ту сущю вели
кому князю Всеволоду и всем
благородным детемъ и всем велмо
жам. И бысть радость велика в Володи
мери граде. Того же лета, месяца ма
я въ 15 день, на память святаго отца
Пахомья, в день воскресенья Господня,
въ Сборъ святыхъ отець, 7 недели по Пасхе,
по литургии, загореся град Ро
стовъ, и погоре мало не весь.
И церквий изгоре 15 и много
зла створися. Богу попущьшю за
умноженье грех наших и не
правды. Се же есть дивно: церкы
в Ростове въ имя святако Иоана
Нет перевода

6717 (1209 г.).
л. 147 об., стб. 2 - 148, стб. 1
Нач.: "В лето 6717 месяця декабря въ 7 день, на память стаго отца Амбросья епископа, родися сынъ блгочестивому и христолюбивому князю Костянтину, и нарекоша имя ему въ святемь крещеньи Василий..."
Кон.:
"...Костянтин же с своею братьею възвратишася со Тьфери, и Святославъ приде к ним из Новагорода. И ехаша вси къ отцю своему в Володимерь"

6718 (1210 г.).
л. 148, стб. 1 - 148, стб. 2
Нач.: "В лето 6718. Великый князь Всеволодъ посла с полком Кузму Ратьшича, меченошю своего, и взя Тепру и възвратися со многым полоном в Володимерь..."
Кон.:
"...Того же лета, месяца иуня въ 18 днь, на память святаго мученика Леонтия и дружины его, родися Костянтину сынъ Всеволодъ, а въ святемь крещеньи нарекоша ему имя Иоан"

6719 (1211 г.).
л. 148, стб. 2 - 148 об., стб. 1
Нач.: "В лето 6719. Великый князь Всеволодъ ожени сына своего Георгия Всеволожною Кыевьского князя и венчанъ бысть в святей Богородици в Володимери епископмь Иоаномь..."
Кон.:
"...и еха скоро Ростову и, видевъ печаль, бывшюю мужем Ростовьскым, утеши я глаголя: Богъ да, Богъ взя. Яко Господеви изволися, тако и бысть. Буди имя Господне благословлено от ныня и до века"

Показать все летописные статьи

наверх

© Российская национальная библиотека, 2012