Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

303

присно страх Божий в сердци своем, пода
вая требующим милостыню, судя суд
истиненъ и нелицемеренъ,
не обинуяся лица силных сво
ихъ бояръ, обидящих менших
и роботящих сироты и насиль
е творящим. Любяше же по мно
гу черноризьцьскый и поповь
скый чины. Тем и дарова ему
Богъ чада добросмыслена, яже и
вспита в наказаньи, в разуме
свершене доже и до мужьства.
И егда приспе конець ему вре
меньнаго сего и многомяте
жнаго житья, тихо и безмолвно
преставися и приложися къ
отцемь и дедомъ своимъ. И пла
кашася по нем сынове его плачем ве
ликим, и вси боляре и мужи, и
вся земля власти его, и пе
вше над ним обычныя песни епископъ
Иоан и вси игумени и черно
ризци, и вси попове града Во
лодимеря. И положиша и въ
церкви святыя Богородица Златоверхи
я, юже созда и украси брат е
го Андрей. Того же лета Георги
й князь, сынъ Всеволожь, отпусти и
князи рязаньскыя в Рязань
и епископа ихъ Арсенья, и вся лю
ди рязаньскыя. И идоша ко
ждо в своя си. Того же лета при
ходи Юрги княз съ Ярославом
к Ростову, и умиришася с Ко
стянтином и разидошася ко
ждо в своя си. Того же лета, месяца
мая въ 23 день, на память
святаго Михаила епископа, быша
постригы у Костянтина сына
Всеволожа сынома его, Васи
лку и Всеволоду, и бысть радость
велика в граде Ростове.
В лето 6721. Христолюбивы
й князь Костянтинъ заложи
церковь святую Богородицю на первемь
месте падшая церкве, месяца
априля въ 25, на память святаго
Марка еуангелиста. Того же лета
Володимеръ, сынъ Всеволожь,
великаго князя, еха в Мо
скву. Того же лета во второе
приходи Юрги съ Ярославом
к Ростову и створша порядъ
с Костянтином. И идоста от
Ростова к Москве Гюрги съ
Ярославом. И изведъ Гюрги
из Москвы Володимера и
посла и в Рускый Переясла
вль на столъ на о
тчину свою.
Того же лета ро
дися сынъ
Георгию
кня
Нет перевода

6720 (1212 г.).
л. 148 об., стб. 1 - 149, стб. 2
Нач.: "В лето 6720, индикта, месяца априля въ 13 день, на память святаго Мартина, папы Римьскаго. Преставися великый князь Всеволодъ, именовавый в святомь крещеньи Дмитрий, сынъ Гюргевъ, благочестиваго князя всея Руси..."
Кон.:
"...Того же лета, месяца мая въ 23 день, на память святаго Михаила епископа, быша постригы у Костянтина сына Всеволожа сынома его, Василку и Всеволоду, и бысть радость велика в граде Ростове"

6721 (1213 г.).
л. 149, стб. 2 - 149 об., стб. 1
Нач.: "В лето 6721. Христолюбивый князь Костянтинъ заложи церковь святую Богородицю на первемь месте падшая церкве, месяца априля въ 25, на память святагоМарка еуангелиста..."
Кон.:
"...Того же лета родися сынъ Георгию князю, месяца октября въ 23 день. И прозваша и Всеволодъ, а в святомь крещении нарекоша имя ему Дмитрий"

Показать все летописные статьи

наверх

© Российская национальная библиотека, 2012