Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

307

въсхоженья. В лето 6726
великый князь Костянтинъ,
сынъ Всеволожь, месяца мая въ
6 день, на память святаго и праведь
наго Иова, заложи церковь ка
мену на торговищи в Володи
мери Въздвиженье креста честь
наго. Того же лета и свершена
бысть и священа семтября въ 14 день.
Того же лета родися сынъ князю Ге
оргию, и нарекоша имя ему
въ святомь крещеньи.
Того же лета приде епископъ Полоть
скый изъ Цесаряграда к вели
кому князю Костянтину Во
лодимерь, ведый его любо
вь и желанье до всего божестве
наго церковнаго строенья, до
святыхъ иконъ и мощии святыхъ, и
до всего душеполезнаго пути,
ведущаго в жизнь вечную.
И принесе ему етеру часть
от страстий от Господень, яже нас ради
Владыка Иисусъ Христосъ, от июдеи претерь
певъ, пострада. И мощи святаго Логина,
мученика, сотника, святеи его
руце обе, и мощи святыя Марь
я Магдалыни. Христолюбивы
й же князь Костянтинъ с радо
стью великою створи праздь
ньство светло о приходе
ихъ, и постави и у Възнесе
нья в манастыри передъ Зо
лотыми вороты. И бывшю дни
святого Въскресенья Господня, и приспе
от день памяти святаго мученика Логина,
повеле князь Костянтинъ по
отпетьи заутрени от святыя
Богородица сборныя и от святаго Дмитри
я ити всему народу съ кресты,
епископу со всем клиросом и сам князь
с своими благородными сынъ
ми и со всеми боляры идо
ша к святому Възнесенью. Взя
тъ же епископъ на главу свою святу
ю ту раку, в нейже бе положено
святое то скровище, и тако въ
звратишася в град. И идоша къ
святому Дмитрию, поюще и сла
вяще Господа нашего Иисусъ Христа. И ту це
лова епископъ и христолюбивый князь
Костянтинъ и вси правове
рнии человеци. Того же лета священа
бысть церкы святою мученику Бориса
и Глеба Ростове епископомь Ки
риломъ, месяца августа въ 25
день, на память святаго апостола Тита.
Ту сущю великому князю Ко
стянтину с благородными
детми Василком, и Всеволо
дом, и Володимером и со всеми
боляры, и створи пиръ и у
чреди люди и многу милостыню
створи къ убогым, - такъ бо бе
Нет перевода

6725 (1217 г.).
л. 150, стб. 2 - 151, стб. 1
Нач.: "В лето 6725. Искони злый врагъ дьяволъ, ненавидяй всегда добра роду человечью, паче же хрестьяномъ, не хотя, дабы не одинъ в вечней муце былъ, яже есть уготована ему и сущим с нимъ..."
Кон.:
"...Одинех князий 6, а прочих боляръ и слугъ бе-щисла изби с своими слугы и с половци. Си же злоба сключися месяця иуня въ 20 день, на память святаго пророка Ильи огньнаго въсхоженья"

6726 (1218 г.).
л. 151, стб. 1 - 152, стб. 2
Нач.: "В лето 6726 великый князь Костянтинъ, сынъ Всеволожь, месяца мая въ 6 день, на память святаго и праведьнаго Иова, заложи церковь камену на торговищи в Володимери Въздвиженье креста честьнаго..."
Кон.:
"...Княгыни же Костянтинова ту и пострижеся над гробом мужа своего, и нарекоша имя еи Огафья"

Показать все летописные статьи

наверх

© Российская национальная библиотека, 2012