Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

309

Божиихъ церквий. И многы церкви
созда по своей власти, въобра
жая чюдными въображени
и святыхъ иконъ, исполняя кни
гами и всякыми украшени
и, чтяше же паче меры иерей
скый и мнишьскый чинъ, по
дая имъ еже на потребу, и при
имая от них молитвы и благословенье,
поминая слово, глаголющее: «Блажени
милостивии, яко ти помиловани
будут», и: «Блаженъ разумевая на
нища и убога, яко в день лютъ
избавить и Господь». Тем не щадяше и
менья своего, раздавая тре
бующим, бе бо се воистину по И
ову око слепым и нога хромым
и рука неимущим утешенья,
испроста всех любя и нагы
я одевая, трудныя поко
я, умрети хотяща зимою со
гревая, печалныя утешая,
а не опечаляя никогоже ни
чим же, но всехъ умудряя теле
сными и духовными беседа
ми. Часто бо чтяше книгы съ
прилежаньем и творяше все
по писаному, не въздая зла
за зло. Сего по праву одаровалъ
бе Богъ кротостью Давыдовою, му
дростью Соломонею, исполнь
сы апостолскаго правоверья. По преста
влении же его, слышавше вси
людье града Володимеря, сте
кошася на дворъ его и плака
шася по нем плачем вельим: боля
ре, яко заступника земли их,
слугы тако же, яко кормите
ля и господина, убозии и чернори
зци, яко утешенье и оденье
наготе ихъ; и весь зборъ убо
гых плакахуся, вскоре лише
ни такого милостивца. Слыша
в же Гюрги и Ярославъ и вся
братья его, вскоре съехашася
в Володимерь и плакаша по
нем плачем вельим, акы по отци
и по брате любимем, понеже
вси имеяхуть и въ отца ме
сто. И онъ, имея их по досто
янью, бе бо в них любы паче
меры. И певше над ним обы
чныя песни епископа и игумени,
и черноризци, и вси прозвуте
ри. И весь град снидеся и поло
жиша и в церкви святыя Богородица Зла
товерхыя, идеже и отець его
положенъ бе. Бе же всех лет Ко
стянтиновых [...]. Княгы
ни же Костянтинова ту и по
стрижеся над гробом мужа свое
го, и нарекоша имя еи Ога
фья. В лето 6727. Священа
бысть церкы святыя Богородица Рождество
Нет перевода

6726 (1218 г.).
л. 151, стб. 1 - 152, стб. 2
Нач.: "В лето 6726 великый князь Костянтинъ, сынъ Всеволожь, месяца мая въ 6 день, на память святаго и праведьнаго Иова, заложи церковь камену на торговищи в Володимери Въздвиженье креста честьнаго..."
Кон.:
"...Княгыни же Костянтинова ту и пострижеся над гробом мужа своего, и нарекоша имя еи Огафья"

6727 (1219 г.).
л. 152, стб. 2 - 152 об., стб. 1
Нач.: "В лето 6727. Священа бысть церкы святыя Богородица Рождество в манастыри великым священьем епископомь Симономь, месяца семтября въ 7 день..."
Кон.:
"...и многы от половець избиша, а ины извязаша, а сам оканьный вмале утече. Того же лета родися Ярославу сынъ, и нарекоша имя ему Феодоръ"

Показать все летописные статьи

наверх

© Российская национальная библиотека, 2012