Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

311

й изгоре 17. Дворъ же княжь си
лою креста честна и молитвою до
браго Костянтина избы огня.
Того же лета великый князь Гюрги,
сынъ Всеволожь, заложи град на
усть Окы и нарече имя ему
Новъград. В лето 6730.
Великый князь Гюрги заложи
церковь каменьну святыя Богородица
в Суждали на первемь ме
сте, заздрушивъ старое зда
нье, понеже учала бе руши
тися старостью и верхъ ея
впалъ бе, та бо церкы созда
на прадедом его Володиме
ром Мономахом и блаженымь
епископомь Ефремом. В лето
6731. Всеволодъ Гюргевич
иде из Новагорода къ отцю
своему в Володимерь. Новго
родци же пояша к собе Яро
слава Всеволодича ис Пере
яславля княжитъ. Того
же лета явишася языци, ихже
никто же добре ясно не ве
сть, кто суть и отколе изидо
ша, и что языкъ ихъ, и ко
торого племени суть, и что ве
ра ихъ. И зовуть я татары,
а инии глаголють таумены, а
друзии печенези, ини глаголю
ть, яко се суть о них же Мефоди
й Патомьскый епископъ сведе
тельствует, яко си суть ишли
ис пустыня Етриевьскы,
суще межю встоком и севером.
Тако бо Мефодий рече, яко къ
скончанью временъ яви
тися тем, яже загна Гедео
нъ и попленять всю землю,
от встока до Ефранта, и от Ти
гръ до Понетьскаго моря, кро
ме Ефиопья. Богъ же единъ
весть ихъ, кто суть и отколе и
зидоша. Премудрии мужи ве
дять я добре, кто книгы ра
зумно умееть. Мы же их не
вемы, кто суть, но сде вписахом
о них памяти ради Русскых
князий беды, яже бысть от них,
и мы слышахом, яко многы
страны поплениша: ясы, о
безы, касогы и половець бе
збожных множство избиша,
а инехъ загнаша и тако и
змроша, убиваеми гневом
Божьимь и пречистыя его матере.
Много бо зла створиша ти о
каннии половци Руской зе
мли, того ради всемилостивы
й Богъ хотя погубити и нака
зати безбожныя сыны Изма
иловы куманы, яко да
отмьстять кровь хрестьяньску,
Нет перевода

6729 (1221 г.).
л. 152 об., стб. 2 - 153, стб. 1
Нач.: "В лето 6729. Мстиславъ Мстиславич бися с Угрою и победи я, и изби множство ихъ и ко[ро]левича я..."
Кон.:
"...Того же лета великый князь Гюрги, сынъ Всеволожь, заложи град на усть Окы и нарече имя ему Новъград"

6730 (1222 г.).
л. 153, стб. 1 - 153, стб. 1
Нач.: "В лето 6730. Великый князь Гюрги заложи церковь каменьну святыя Богородица в Суждали на первемь месте..."
Кон.:
"...та бо церкы создана прадедом его Володимером Мономахом и блаженымь епископомь Ефремом"

6731 (1223 г.).
л. 153, стб. 1 - 153 об., стб. 2
Нач.: "В лето 6731. Всеволодъ Гюргевич иде из Новагорода къ отцю своему в Володимерь. Новгородци же пояша к собе Ярослава Всеволодича ис Переяславля княжитъ..."
Кон.:
"...с вечера по заходе солнечнемь, и бе величьством паче инех звездъ. И пребысть тако 7 дни, и по 7 дни явися луча та от нея ко встоку; пребысть тако 4 дни и невидима бысть"

Показать все летописные статьи

наверх

© Российская национальная библиотека, 2012