Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

312

еже и бысть над ними безаконь
ными. Проидоша бо ти Таурме
нию всю страну Куманьску
и придоша близь Руси, идеже
зовется валъ Половечьскы
й. И слышавше я, русстии кня
зи - Мстиславъ кыевьскы
й, и Мстиславъ торопичскы
й, и черниговьскый, и про
чии князи здумаша ити и
на ня, мнящее, яко ти поидут
к ним. И послашася в Володи
мерь к великому князю Ю
ргю, сыну Всеволожю, прося по
мочи у него, он же посла к ним
благочестиваго князя Василь
ка, сыновца своего, Костянти
новича с ростовци, и не утя
ну Василко прити к ним в Ру
сь. А князи Русстии идоша
и бишася с ними, и побеже
ни быша от них, и мало ихъ и
збы от смерти. Ихже остави
судъ жити, то ти убежаша,
а прочии избьени быша. Мь
стиславъ старый, добрый кня
зь, ту убьенъ бысть и другый
Мстиславъ и инех князии
7 избьено бысть, а боляръ и про
чих вой много множство. Глаголют
бо тако, яко кыянъ одинех
изгыбло на полку том 10 ты
сячь. И бысть плачь и туга в Руси
и по всей земли. Слышавшим си
ю беду, се же ся зло сключи
месяца мая въ 30, на память святаго
мученика Еремиа. Се же слыша
въ Василко приключьшее
ся в Руси, възвратися от Черни
гова, схраненъ Богомь и сило
ю креста честнаго и молитвою отца
своего Костянтина и стрыя
своего Георгия. И вниде в сво
й Ростовъ, славя Бога и святую Богородицю.
Того же лета бе ведро велми, и мно
зи борове и болота загараху
ся и дымове силни бяху, я
ко недалече бе видети человевекомъ.
Бе бо яко мгла к земли при
легла, яко и птицам по аеру
не бе лзе летати, но падаху
на земли и умираху. Того же
лета явися звезда на запа
де и бе от нея луча не в зра
къ человевекомъ, но яко к полудень
ю по две въсходящи, с вечера
по заходе солнечнемь, и бе ве
личьством паче инех звездъ.
И пребысть тако 7 дни, и по 7
дни явися луча та от нея ко всто
ку; пребысть тако 4 дни и неви
дима бысть. В лето 6732
поставленъ бысть митрополи
томь в святой Софье Кыеве
Нет перевода

6731 (1223 г.).
л. 153, стб. 1 - 153 об., стб. 2
Нач.: "В лето 6731. Всеволодъ Гюргевич иде из Новагорода къ отцю своему в Володимерь. Новгородци же пояша к собе Ярослава Всеволодича ис Переяславля княжитъ..."
Кон.:
"...с вечера по заходе солнечнемь, и бе величьством паче инех звездъ. И пребысть тако 7 дни, и по 7 дни явися луча та от нея ко встоку; пребысть тако 4 дни и невидима бысть"

6732 (1224 г.).
л. 153 об., стб. 2 - 154, стб. 1
Нач.: "В лето 6732 поставленъ бысть митрополитомь в святой Софье Кыеве блаженый Кирилъ грьчинъ, месяца генваря въ 7 в праздник Богоявленья..."
Кон.:
"...Того же лета священа бысть церкы святаго Спаса на Ярославли в манастыри, юже бе заложилъ благоверный князь Костянтинъ, а сверши ю сынъ его Всеволодъ, и священа бысть епископомъ Кириломъ августа въ 6"

Показать все летописные статьи

наверх

© Российская национальная библиотека, 2012