Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

316

свою по свету, всхотевши ей
в манасвятырь, и дасть ей на
делокъ многъ. Отиде от него
до Бориша дни, иде в Муром къ
братьи и пострижеся. Того же
лета, месяца семтяря великый
князь Гюрги посла на мордву
Василка Костянтиновича
и своего мужа Еремея Гле
бовича воеводьством с полком.
И бывшим имъ за Новымгородом
на предех мордовьскых, посла
въ, Гюрги възврати ихъ, не да
сть имъ воевати, зане пого
дья имъ не бысть, бяхут бо до
ждове велми мнози день и
нощь. Того же месяца семтября въ
21 день на память святаго мученика
Кондрата, родися Гюргю
князю дщи и наречена бысть в свято
мь крещеньи Феодора, еяже
память въ 11 сего месяца. Тое
же зимы месяца генваря въ
5 день, в канунъ Богоявленья,
сгореша хороми княжи и
церкви две. Того же месяца въ
14 день великый князь Гю
рги и Ярославъ и Костянти
новичи Василко, Всеволо
дъ идоша на мордву. И му
ромскый князь Гюрги Давыдовичь
вшедъ в землю Мордовьску
ю, Пургасову волость пожгоша,
жита и потравиша и скотъ и
збиша, полонъ послаша назад,
а мордва вбегоша в лесы сво
я, в тверди. А кто не вбеглъ, тех
избиша, наехавшее, Гюргеви
молодии въ 4 день генваря.
То видевше, молодии Яросла
вли, и Василкови, и Всеволо
жи, утаившеся на заутри
е, ехаша в лесъ глубокъ. А мо
рдва давше им путь, а сами ле
сом обидоша ихъ около; изби
ша и, а иных изъимаша, бежа
ша в тверди, техъ тамо изби
ша; и князем нашим не бысть кого во
евати. А болгарьскый князь
пришел былъ на Пуреша, ротн
ика Юргева и, слышавъ, оже ве
ликый князь Юрги с братьею жже
ть села мордовьская, и бежа
прочь ночи. А Юрги с братьею и
со всеми полкы взвратишася
в своя си добри здорови. Тое
же зимы князь Юрги посла
брата своего Святослава в Пе
реяславль Рускый на столъ.
В лето 6737. Месяца априля,
придоша мордва с Пургасомъ
к Новугороду, и отбишася их
новгородци. И зажегше мана
стырь святое Богородици и церковь, иже
Нет перевода

6736 (1228 г.).
л. 155, стб. 2 - 155 об., стб. 2
Нач.: "В лето 6736. Умре сынъ Давыдовъ муромьскаго, месяца априля, святыя неделя праздныя. Тое же недели преставися и сам Давыдъ муромскый в черньцих и в скиме..."
Кон.:
"...А Юрги с братьею и со всеми полкы взвратишася в своя си добри здорови. Тое же зимы князь Юрги посла брата своего Святослава в Переяславль Рускый на столъ"

6737 (1229 г.).
л. 155 об., стб. 2 - 156 об., стб. 1
Нач.: "В лето 6737. Месяца априля, придоша мордва с Пургасомъ к Новугороду, и отбишася их новгородци. И зажегше манастырь святое Богородици и церковь, иже бе вне града..."
Кон.:
"...Того же лета саксини и половци възбегоша из низу к болгаром перед татары. И сторожеве болгарьскыи прибегоша, бьєни от татаръ, близь рекы, ейже имя Яикъ"

Показать все летописные статьи

наверх

© Российская национальная библиотека, 2012