Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

318

не покорися, но, вся остави
въ, изволи паче умрети за
Христа, усеченъ бысть месяца априля
въ 1 день. Его же русь-хрестьяне
вземше тело, положиша в гро
бе, идеже вси хрестьяне лежат.
И створи Богъ милость вскоре за
кровь его. Погоре у него бол
шая половина города Велика
го, а потом оставшая часть за
гарашется днемъ дваждый
и триждый. Тако же и бысть по мь
ного дни. Мало остася горо
да, а все погоре, и товара по
горе множство бещислено за
кровь мученка Христова. Того же лета
саксини и половци възбего
ша из низу к болгаром перед та
тары. И сторожеве болгарь
скыи прибегоша, бьєни от та
таръ, близь рекы, ейже имя
Яикъ. В лето 6738, месяца
марта въ 9 день, 40 святыхъ
мученикъ. Принесенъ бысть Христовъ
мученикъ Аврамий Новый и
зъ Болгарьское земли в сла
вный град Володимерь, его
же болгаре в минувшее лето,
месяца априля въ 1 день много
мучивше, нудяще отврещи
ся крещенья. Он же не отверь
жеся, но, все оставль имень
е свое, усеченъ бы, и взяты
быша мощи святаго страстотерпца Аврамь
я. И принесенъ бывъ в Володи
мерь. И великый князь благочести
вый Георгий усрете и перед
городом за версту с великою
честью, с свещами, и епископъ Ми
трофанъ со всем клиросом и со
игумены, и княгыни з деть
ми и вси людье. И положенъ
бысть в церкви святыя Богородица в мана
стыри великые княгини Все
воложие. Того же лета благове
рнии князи Василко, и Все
володъ, и Володимеръ по
слаша къ отцю своему Гюргю
и къ епископу Митрофану по Ки
рила, игумена и архима
ндрита, манастыря святыя
Богородица Рождества, да бы и пустилъ
на епископьство Ростову. И отпусти
князь великый Юрги Кирила
на епископьство Ростову. Изидо
ша же на сретенье Кирило
во князи, княгыни, и боля
ре, и вси мужи ростовьскыя,
и игумени, и попове, и святыя
зборныя церкве клиросъ, и вси
гражане от мала и до вели
ка. И введоша и с великою честь
ю в святую зборную церковь святы
я Богородица, и исполнися писано
Нет перевода

6737 (1229 г.).
л. 155 об., стб. 2 - 156 об., стб. 1
Нач.: "В лето 6737. Месяца априля, придоша мордва с Пургасомъ к Новугороду, и отбишася их новгородци. И зажегше манастырь святое Богородици и церковь, иже бе вне града..."
Кон.:
"...Того же лета саксини и половци възбегоша из низу к болгаром перед татары. И сторожеве болгарьскыи прибегоша, бьєни от татаръ, близь рекы, ейже имя Яикъ"

6738 (1230 г.).
л. 156 об., стб. 1 - 157 об., стб. 2
Нач.: "В лето 6738, месяца марта въ 9 день, 40 святыхъ мученикъ. Принесенъ бысть Христовъ мученикъ Аврамий Новый изъ Болгарьское земли в славный град Володимерь..."
Кон.:
"...Много же учреженье давъ оба князя, Гюрги и Яраславъ, отцю своему митрополиту и епископу Порфирью и игумену Спасьскому и благословившася от нею, и отпусттиша я кождо къ своимъ княземъ"

Показать все летописные статьи

наверх

© Российская национальная библиотека, 2012