Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

323

всприях, боязнью ослушань
я, разумех в притчах глаголемое,
яко: «Сынъ ослушливый в поги
бель будет, послушливый же
кроме ея будет, но паче мо
литвы своя подажь ми и въ
крилу место». Раскрили сю
ду и онуду простри к Богу, якоже
некогда Моиси великый,
онъ свои руце простре, по
магая Израилю в полце, да и а
зъ аерьскым духомъ нахоже
нья избегну, направляя
корабль, словеси ти в тихо при
станище введу, начиная
беседу сде, яко истиньна
есть повестьству. Кири
лъ, священый епископъ въ 1-е лето,
во н же поставленъ бысть епископо
мь богохранимому граду Ро
стову, многы добродетели
показа, яко же истинный святи
тель, а не наимник, яко же
сам истина. Христосъ рече в святемъ
Еуангельи: «Отдадите убо кеса
рева кесареви». Се, наполня
я писанья, князем бо и боя
ром и всем велможам бысть на у
спех, и все дивно обидимым
помагая, печалныя уте
шая, нищая милуя, напо
лняя слово апостола Павла: «Всем
вся же бых, да вся приобрящю».
Мы же на преже реченая взидем,
еже речено бысть: «Кесарева кеса
рю, а еже Божья то Богу», - много бо
попеченье створи о церкви
святыя Богородица, еже преже сказахом,
еже есть и до сего дне, день от дне
начиная и преходя от де
ла в дело. Того же лета священа
бысть церкы святыя Богородица в Росто
ве великим священьем, месяца
августа въ 14. Созва убо честны
й то зборъ священый епископъ
Кирилъ. Игумены же и по
пы, и дьяконы, и чернори
зци, и вси гражане снидо
шася в святую церковь на честны
й то праздник. Ту сущим и благо
родным князем: Василко и
Всеволод, и Володимеръ, и
Борисъ Василкович, и кня
гини Василкова, и много
множство людий. И вси взда
ша хвалу Богу. Се 1-е дело
створи Богъ изрядно Кири
лом, священыимъ епископомъ, еже
несть было в Ростове у преже
бывших епископехъ. В лето
6740. Поиде князь великы
й Гюрги к Сереньску, и сто
явъ станом на Уполозех, и
възвратися в Володимерь.
Нет перевода

6739 (1231 г.).
л. 157 об., стб. 2 - 159, стб. 2
Нач.: "В лето 6739. Бысть Благовещнье святыя Богородица по Пасхе во вторник праздные недели. Того же лета посла благородный князь Василко Костянтинович к Володимеру Рюриковичю и пресвященому митрополиту в Киевъ отца своего духовнаго Кирила..."
Кон.:
"...И вси вздаша хвалу Богу. Се 1-е дело створи Богъ изрядно Кирилом, священыимъ епископомъ, еже несть было в Ростове у преже бывших епископехъ"

6740 (1232 г.).
л. 159, стб. 2 - 159 об., стб. 1
Нач.: "В лето 6740. Поиде князь великый Гюрги к Сереньску, и стоявъ станом на Уполозех, и възвратися в Володимерь..."
Кон.:
"...Тое же зимы посла великый князь Георги сына своего Всеволода на мордву, а с ним Феодоръ Ярославич и рязаньскый князи и муромскый. И пожгоша села их, а мордъвы избиша много"

Показать все летописные статьи

наверх

© Российская национальная библиотека, 2012