Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

324

Ярослав же и Костянтиновичи
идоша к Сереньску, град пожго
ша, людем избегшим, ино же мно
го воеваша, възвратишася въ
своя си. Того же лета оженися
князь Володимеръ Костянти
нович. Того же лета придоша та
тарове и зимоваша, не доше
дше Великого града болгарь
скаго. Тое же зимы посла
великый князь Георги сына сво
его Всеволода на мордву, а
с ним Феодоръ Ярославич и ря
заньскый князи и муромскы
й. И пожгоша села их, а мордъ
вы избиша много. В лето
6741. Написана бысть церкы
святая Богородица в Суждали и измо
щена мороморомъ красным
разноличным. В лето 6742.
Благоверный князь Святославъ
Всеволодичь [с]верши церковь
въ Юрьеве святаго мученика Георги
я и украси ю. В лето
6743 мирно бысть.
В лето 6744. Бысть знамень
е в солнци, месяца августа въ 3,
в неделю по обедех: бысть видети всем
акы месяць четырь дни. Тое
же осени придоша от восто
чные страны в Болгарьску
ю землю безбожнии татари
и взяша славный Великый го
род болгарьскый, и избиша ору
жьем от старца и до унаго, и до су
щаго младенца. И взяша това
ра множество, а город ихъ пожгоша
огнем и всю землю ихъ плениша.
Тое же зимы великый князь Ге
орги ожени сына своя Володи
мера и Мстислава. В лето
6745. Благоверный епископъ Ми
трофанъ постави кивотъ в святе
й Богородице зборней над трапезою
и украси его златомь и сребром,
при благовернемь князи вели
цемь Георгии. Того же лета испи
са притворъ святое Богородици. Того же
лета на зиму придоша от всточь
ные страны на рязаньскую
землю лесом безбожнии тата
ри и почаша воевати Ряза
ньскую землю. И пленоваху
и до Проньска, попленивше Ря
зань весь и пожгоша, и кня
зя ихъ убиша; ихже емше,
овы растинахуть, другыя
же стрелами растреляху в ня,
а ини опакы руце связываху
ть. Много же святыхъ церкви огне
ви предаша, и манастыре и се
ла пожгоша, именья не мало
обою страну взяша. Потом пои
доша на Коломну. Тое же зи
Нет перевода

6740 (1232 г.).
л. 159, стб. 2 - 159 об., стб. 1
Нач.: "В лето 6740. Поиде князь великый Гюрги к Сереньску, и стоявъ станом на Уполозех, и възвратися в Володимерь..."
Кон.:
"...Тое же зимы посла великый князь Георги сына своего Всеволода на мордву, а с ним Феодоръ Ярославич и рязаньскый князи и муромскый. И пожгоша села их, а мордъвы избиша много"

6741 (1233 г.).
л. 159 об., стб. 1 - 159 об., стб. 1
Нач.: "В лето 6741. Написана бысть церкы святая Богородица в Суждали и измощена мороморомъ красным разноличным"

6742 (1234 г.).
л. 159 об., стб. 1 - 159 об., стб. 1
Нач.: "В лето 6742. Благоверный князь Святославъ Всеволодичь [с]верши церковь въ Юрьеве святаго мученика Георгия и украси ю"

6743 (1235 г.). Мирный год
л. 159 об., стб. 1 - 159 об., стб. 1
Нач.: "В лето 6743 мирно бысть"

6744 (1236 г.).
л. 159 об., стб. 1 - 159 об., стб. 2
Нач.: "В лето 6744. Бысть знаменье в солнци, месяца августа въ 3, в неделю по обедех: бысть видети всем акы месяць четырь дни..."
Кон.:
"...Тое же зимы великый князь Георги ожени сына своя Володимера и Мстислава"

6745 (1237 г.).
л. 159 об., стб. 2 - 163, стб. 2
Нач.: "В лето 6745. Благоверный епископъ Митрофанъ постави кивотъ в святей Богородице зборней над трапезою и украси его златомь и сребром, при благовернемь князи велицемь Георгии..."
Кон.:
"...Мужьство же и ум в нем живяше, правда же и истина с ним ходяста, бе бо всему хытръ и гораздо умея. И поседе в доброденьстви на отни столе и дедни. И тако скончася, якоже слышасте"

Показать все летописные статьи

наверх

© Российская национальная библиотека, 2012