Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

331

поведа мужю богобоязниву,
поповичю Андрияну. И взя
тело князя Василка и поня
вицею обитъ, реку саваном,
и положи его в скровне месте.
Уведев же боголюбивый епископъ
Кирилъ и княгыни Василко
ва, послаша по князя, прине
соша и в Ростовъ, и яко понесо
ша и в град, и множество народа
изидоша противу ему, жало
стныя слезы испущающа,
оставше такого утешенья. Ры
даху же народа множество пра
воверных, зряще отца сирым и
кормителя отходящим, печа
лным утешенье великое, о
мрачным звезду светоносну
зашедушю. На весь бо церковны
й чинъ отверзлъ бяшеть е
му Богъ очи сердечнеи. И всемъ
церковником, и нищим, и печа
лным, яко възлюбленый бя
ше отець; паче же и на милостыню,
поминая слово Господне глаголющее:
«Блажении милоствии, яко ти
помиловани будут». И Соло
монъ глаголеть: «Милостнями и ве
рою очищаются греси». Тем
же и не погреши надежи,
егоже просяше у Бога: «Господи, спаси
любящих тя». Сего бо блажена
го князя Василка спричте
Богъ смерти, подобно Андрееве,
кровью мученичьскою омывъ
ся прегрешений своих с бра
том и отцемъ Георгием, с вели
ким князем. Се бо и чюдно бысть, и
бо и по смерти совкупи Богъ те
леси ею. Принесоша Василка
и положиша и в церки святыя
Богородица в Ростове, идеже и мати
его лежить. Тогда же прине
соша голову великаго кня
зя Георгия и вложиша ю в гроб
к своему телу. Бе же Васи
лко лицем красенъ, очима
светелъ и грозенъ, хо[ро]бръ па
че меры на ловех, сердцемь легок,
до бояръ ласковъ, никто же
бо от бояръ, кто ему служилъ
и хлебъ его елъ, и чашю пилъ,
и дары ималъ, - тотъ никако же
у иного князя можаше бы
ти за любовь его, излише же
слугы свои любляше. Мужь
ство же и ум в нем живяше, пра
вда же и истина с ним ходяста,
бе бо всему хытръ и гораздо
умея. И поседе в добродень
стви на отни столе и дедни.
И тако скончася, якоже слышасте.
В лето 6746. Ярославъ,
сынъ Всеволода великаго,
Нет перевода

6745 (1237 г.).
л. 159 об., стб. 2 - 163, стб. 2
Нач.: "В лето 6745. Благоверный епископъ Митрофанъ постави кивотъ в святей Богородице зборней над трапезою и украси его златомь и сребром, при благовернемь князи велицемь Георгии..."
Кон.:
"...Мужьство же и ум в нем живяше, правда же и истина с ним ходяста, бе бо всему хытръ и гораздо умея. И поседе в доброденьстви на отни столе и дедни. И тако скончася, якоже слышасте"

6746 (1238 г.).
л. 163, стб. 2 - 163 об., стб. 1
Нач.: "В лето 6746. Ярославъ, сынъ Всеволода великаго седе на столе в Володимери. И бысть радость велика хрестьяном..."
Кон.:
"...Того же лета князь Ярославъ великый отда Суждаль брату своему Святославу. Того же лета отда Ярославъ Ивану Стародубъ. Того же лета было мирно"

Показать все летописные статьи

наверх

© Российская национальная библиотека, 2012