Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

332

седе на столе в Володимери.
И бысть радость велика хрестьяном, их же
избави Богъ рукою своею крепко
ю от безбожных татаръ. И поча
ряды рядити, якоже пророкъ глаголет:
«Боже, суд твой цесареви дажь, и правъ
ду твою сынови цареви. Судити лю
демъ твоим в правду и нищим
твоимъ в суд. И потомъ утве
рдися в своем честнемь княже
нии». Того же лета князь Яросла
въ великый отда Суждаль
брату своему Святославу. То
го же лета отда Ярославъ Ива
ну Стародубъ. Того же лета бы
ло мирно. В лето 6747.
Посла Ярославъ князь велики
й по брата своего Георгия
в Ростовъ. И привезоша и к Во
лодимерю. И, не дошедше, ста,
изидоша из града противу е
му епископъ Кирилъ и Диониси
й архимандритъ, понесоша
и в град съ епископомъ, и игумени,
и попове, и черноризци. И не
бе слышати пенья в плачи
и велици вопли, - плака бо
ся весь град Володимерь по
нем, Ярослав же и Святославъ
и князи рустии плакаху
ся по нем с дружиною своею,
и множество бояръ и слугъ пла
кахуся лишенья своего князя,
убозии - кормителя. Певше
обычныя песни, и положи
ша и в гроб каменъ в святой Богородици,
в гробници, идеже лежить Все
володъ, отець его. Бе Юрьи, сынъ
благовернаго отца Всеволода,
украшенъ добрыми нравы,
ихже имена вмале повемы.
Се бо чюдный князь Юрьи, потща
ся Божья заповеди хранити
и Божий страх присно имея в сердци,
поминая слово Господне, еже рече: «О
семь познают вы вси человеци,
яко мои ученици есте. Аще лю
бите друг друга, не токмо же
друга, но и врагы ваша лю
бите. И добро творите ненавидя
щим вас». Всякъ злосмыслъ е
го, преже мененыя безбожны
я татары, отпущаше, одаре
ны бяхут, бо преже прислали по
слы свое злии ти кровопи
ици, рекуще: «Мирися с нами».
Он же того не хотяше, якоже пророкъ
глаголет: «Брань славна луче есть м
ира студна». Си бо безбожнии,
со лживым миром живуще, вели
ку пакость землям творять,
еже и зде многа зла створиша.
Богъ бо казнить напастми ра
зличными, - да явяться яко
Нет перевода

6746 (1238 г.).
л. 163, стб. 2 - 163 об., стб. 1
Нач.: "В лето 6746. Ярославъ, сынъ Всеволода великаго седе на столе в Володимери. И бысть радость велика хрестьяном..."
Кон.:
"...Того же лета князь Ярославъ великый отда Суждаль брату своему Святославу. Того же лета отда Ярославъ Ивану Стародубъ. Того же лета было мирно"

6747 (1239 г.).
л. 163 об., стб. 1 - 164 об., стб. 2
Нач.: "В лето 6747. Посла Ярославъ князь великий по брата своего Георгия в Ростовъ. И привезоша и к Володимерю. И, не дошедше, ста, изидоша из града противу ему епископъ Кирилъ и Дионисий архимандритъ..."
Кон.:
"...Того же лета на зиму взяша татарове Мордовьскую землю и Муром пожгоша, и по Клязме воеваша, и град святыя Богородица Гороховець пожгоша, а сами идоша в станы своя. Тогды же бе пополохъ золъ по всей земли, и сами не ведяху, и где хто бежить"

Показать все летописные статьи

наверх

© Российская национальная библиотека, 2012