Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

341

нинъ, вступивъ в прелесть
лжаго пророка Ма[х]меда. Бе бо
тогда титям приехалъ от цесаря
татарьского, именем Кутлуби
й, золъ сый бесурменинъ. То
го поспехом оканный лишени
къ творяше хрестьяном велику
досаду, кресту и святымъ церквам
поругаяся. Егда же люди на
врагы своя двигшася, на бе
сурмены, изгнаша, иных изби
ша, - тогда и сего безаконна
го Зосиму убиша в городе Я
рославли. Бе тело его ядь
псом и вороном. Того же лета преста
вися блаженый учителный
епископъ Кирилъ Ростовьскый,
месяца мая въ 21, на память
Костянтина и Олены, въ Збо
ръ святыхъ отець 318. Се бысть исти
нный пастырь, пасъ стадо
люди земля Ростовьскыя
с кротостью. И положиша те
ло его в церкви святыя Богородица в Ро
стове, и в него место поста
вленъ бысть Игнатий, месяца се
мтября въ 19. В лето 6771
родися Глебу сынъ Демьянъ.
Того же лета преставися вели
кый князь Олександръ, сынъ
Ярославль. Скажем же му
жство и житье его. О Господе на
шемь Иисусе Христе Сыне Божьи, азъ худы
й, грешный, недостойный на
чинаю писати житье велико
го князя Олександра, сына Я
рославля, внука Всеволожа,
понеже слышах от отець своихъ
и самовидець есмъ възра
сту его, и радъ бых исповедал
святое житье,и честное, и славно
е. Но якоже Приточник рече: «В злохи
тру дшю не внидет премудрость,
на высокых бо краихъ есть, посре
де же стезь стояшеть, при вра
техъ силны[хъ] приседить». Аще
и грубъ есмъ умом, молитвою
святое госпожи Богородици, поспешеньем святаго
князя Олександра, начат[ок]ъ
положю си. Бе князь Олександръ
Богомь роженъ от отца милостилю
бца и мужелюбца, пакы же
кроткаго князя великого
Ярослава и матери святое Федо
сьи. Якоже рече Исайя пророкъ: «Та
ко глаголет Господь: Князи азъ учиня
ю, священи бо суть, а ввожю я
во истину», - без Божья бо пове
ленья не бе княженье его.
Но и взрастъ его паче инех
человекъ, и глас его якы тру
ба в народе; и лице его аки ли
це Есифа, иже бе постави
лъ его егупетьскый цесарь вто
Нет перевода

6770 (1262 г.).
л. 167 об., стб. 1 - 168, стб. 1
Нач.: "В лето 6770 избави Богъ от лютаго томленья бесурменьскаго люди Ростовьския земля, вложи ярость въ сердца крестьяномъ, не терпяще насилья поганыхъ, изволиша вечь и выгнаша из городовъ..."
Кон.:
"...Се бысть истинный пастырь, пасъ стадо люди земля Ростовьскыя с кротостью. И положиша тело его в церкви святыя Богородица в Ростове, и в него место поставленъ бысть Игнатий, месяца семтября въ 19"

6771 (1263 г.).
л. 168, стб. 1 - 169 об., стб. 2
Нач.: "В лето 6771 родися Глебу сынъ Демьянъ. Того же лета преставися великый князь Олександръ, сынъ Ярославль. Скажем же мужство и житье его..."
Кон.:
"...Князь же Олександръ възвратишася с победою, хваля и славя имя своего Творца, Отца и Сына и Святаго Духа. Въ 2-е же лето по возвращении с победою князя Олександра пакы придоша от западныя страны и възгра..."
Окончание статьи отсутствует. Между л. 169 и 170 утрачено 4 или 6 листов с текстом 6771-6791 гг. [1263-1283 гг.].

Показать все летописные статьи

наверх

© Российская национальная библиотека, 2012