Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

345

мници некои гости. Егда же и
зби бояръ и повеле паломници
те пустити, а порты повеле да
яти паломником избитых боя
ръ, река имъ: «Вы есте гости, а
паломници, ходите по землям,
тако молвите, хто иметь де
ржати споръ с своимъ баска
ком, тако ему будет». А что изъи
мано людеи черных, и з жена
ми и з детми, то все попрова
дилъ прочь, а трупья бояръ тех
повеле по деревью извешати,
отимая голову и правую ру
ку. И начаша бесурмене вя
зати головы боярьскыя к то
роком, а рукы вкладоша в су
дно и вставиша на сани Че
рнысе Русину и поидоша от
Ворогла. И пришедше в село
в Туровъ, и хотеша послати
по землям головы и рукы бо
лярьскые, ино некуда посла
ти, зане вся волость изъима
на. И тако пометаша головы
и рукы псомъ на изьедь. Та
ко поидоша прочь. Мнози же
от мраза измроша людье излу
плени и младенци. Се же зло
створися великое грех ради
наших. Богъ бо казнить человека
человекомъ: тако наведе Богъ се
го бесурменина злого за не
правду нашю. Мню бо и князи
ради, зане живяхут в которах
межи собою, - много о то писа
ти. Но то оставим. Ахматъ,
оставя брата своя 2 блю
сти и крепити свободъ сво
их, и самъ не сме оставити
в Руси, зане не моглъ няти
ни одиного князя. И поиде
в Татары, держася полку та
тарского, а с которого стану
двигнутся, потнуть человека.
И бяше видети дело стыдно
и велми страшно; и хлебъ во
уста не идяшеть от страха.
В лето 6792. Два бесу
рменина ис свободы в другу
ю свободу, а Руси с нима бо
ле 30 человекъ. Слышав же, ли
повичьскый князь Святославъ,
здумавъ с своею дружино
ю безъ Олговы думы, досте
регъся, на пути розбои ство
ри. Саме 2 братеника бе
серменина - та утекла, а Ру
си избилъ 25 и 2 бесерме
нина. Се же створи Святославъ
одинъ безъ Олга, и творя
шеся, добру чинилъ. А на
болшюю пакость Олгу и со
бе, еже последи, скажем. То
го же лета по Велице дни, в неде
лю Фомину, побегоста
Нет перевода

6791 (1283 г.).
л. 170, стб. 1 - 170, стб. 2
Нач.: "...мници некои гости. Егда же изби бояръ и повеле паломници те пустити, а порты повеле даяти паломником избитых бояръ, река имъ: Вы есте гости, а паломници..."
Кон.:
"...И поиде в Татары, держася полку татарского, а с которого стану двигнутся, потнуть человека. И бяше видети дело стыдно и велми страшно; и хлебъ во уста не идяшеть от страха"
Начало статьи отсутствует из-за утраты листов.

6792 (1284 г.).
л. 170, стб. 2 - 170 об., стб. 2
Нач.: "В лето 6792. Два бесурменина ис свободы в другую свободу, а Руси с нима боле 30 человекъ. Слышав же, липовичьскый князь Святославъ, здумавъ с своею дружиною безъ Олговы думы..."
Кон.:
"...Якоже и бысть: прида Олегъ из Орды с тотары и уби Святослава по цесареву слову. Последи же Святославль братъ Олександръ уби Олга и 2 сына его мала. И еще на мь сте створися радость дьяволу и его поспешнику Ахмату."

Показать все летописные статьи

наверх

© Российская национальная библиотека, 2012