Рукописные материалы
Лаврентьевская летопись. 1377

Помощь Во весь экран

Просмотр страниц рукописи

Лист:   

Показать: изображение  транслитерацию  перевод 

346

2 братенка та бесерменина
г Курьску, а на заутрей в поне
делникъ побежа вся свобода - та и
другая. И тако розоидошася
обе свободе бесерменьски
е. Тогоже лета приде Олегъ князь
из Орды и створи память изби
тым бояром, и посла к Святосла
ву, река: «Чему еси затерялъ
правду? Взложилъ еси имя
разбойниче на мене и на се
бе. Зиму сь еси ночи на сво
боду розбоем ударилъ, а но
не на пути еси розбилъ. А ве
си норовъ татарскый, да в
насъ и в Руси лихо разбои у
чинити. Поиди въ Орду, отве
чай». Он же отпреся, река: «Язъ
сам ведаюся в своем деле. Пра
въ язъ, аже есмъ тако учи
нилъ, то бо суть мои ворози». И
рече Олегъ: «То се ты со мною це
ловал крестъ ходити нама по о
диной думе обема. То ты,
коли рать была со мною, еси
ко цесарю не бежал, не осталъ
еси в Руси, избывъ в Вороно
жьскых лесех, того деля что ро
збити, а крестного целовань
я забывъ, чтобы нама Богомь и
правдою своею потягати
бесерменина. И ныне зате
рялъ еси правду мою и свою,
ти не идешь ни к своему цесарю,
ни к Ногою на исправу. Да ка
ко мя с тобою Богъ россудит». Якоже
и бысть: прида Олегъ из Орды с то
тары и уби Святослава по цесареву
слову. Последи же Святославль
братъ Олександръ уби Олга
и 2 сына его мала. И еще на мь
сте створися радость дьяволу и
его поспешнику Ахмату.
В лето 6793. Романъ, князь
брянскый, приходилъ ратью
к Смоленску и пожже пригород
и отиде в своя си. Того же лета за
ложена бысть церкы камена на
Тфери блговерным князем Ми
хаилом и матерью его Оксинье
ю и преподобнымъ епископомъ Семео
ном - Кузму [и] Демьяну. И прело
жиша имя святый Спасъ Преобра
женье. Того же лета воевали ли
тва тферьского владыкы волость
Олешню. И совкупившеся тфе
ричи, москвичи, волочане,
новоторжьци, зубчане, роже
вичи и, шедше, биша литву на
лесъ в канунъ Спасову дни. И
поможе Богъ хрестьяном, великого
князя ихъ Домонта убиша,
а иных изъимаша, а овых изби
ша, полонъ весь отъяша, а и
нии розбежашася. В лето
6794. В лето 6795. В лето […] (1)
Нет перевода

6792 (1284 г.).
л. 170, стб. 2 - 170 об., стб. 2
Нач.: "В лето 6792. Два бесурменина ис свободы в другую свободу, а Руси с нима боле 30 человекъ. Слышав же, липовичьскый князь Святославъ, здумавъ с своею дружиною безъ Олговы думы..."
Кон.:
"...Якоже и бысть: прида Олегъ из Орды с тотары и уби Святослава по цесареву слову. Последи же Святославль братъ Олександръ уби Олга и 2 сына его мала. И еще на мь сте створися радость дьяволу и его поспешнику Ахмату."

6793 (1285 г.).
л. 170 об., стб. 2 - 170 об., стб. 2
Нач.: "В лето 6793. Романъ, князь брянскый, приходилъ ратью к Смоленску и пожже пригород и отиде в своя си..."
Кон.:
"...И поможе Богъ хрестьяном, великого князя ихъ Домонта убиша, а иных изъимаша, а овых избиша, полонъ весь отъяша, а инии розбежашася"

6794-6795 (1286-1287 г.) - без фактических сведений
л. 170 об., стб. 2 - 170 об., стб. 2

Показать все летописные статьи

наверх

© Российская национальная библиотека, 2012