име еже сведетеля прибывше ему здравие явлениемь святого. Вьста же вь ть час, иже прежде не могы двигнутися, и сьтвори поклонь 15 вь похвалу святому и благодарение.
Ниже се мльчаниемь святого чюдо да покриется. Богу попущающу грехь ради нашихь, ову бо гладомь казне насъ, иное же смертоносиемь, овогда же нахождениемь иноплеменихь, якоже хощемь вашеи любви чюдную повесть прострети, паче же умылениа достоину. Случися убо, яко же прежде рехомь, безбожних татарь в страни Рускиа нахожение, иже изьшедше противу ихь, нь Богу тако попустившу. Имы же весть судбами, приводе нас, да поне сими исправимся. И мнозе рати сьразившися темь безбожнии они, яко злу хитри суще, мнозехь убиша, инихже и рукама яша, вь них же и некоего воина Иоана ухвативше сь инеми мноземи, и сьньмше иже на нем