шав же, яже от святого бывающаа чюдеся, и прииде, водимь вь монастирь святого. Вожду же его юноши отшедшу некиа ради потребы. Ть же человекь плакаше своея слепоти, паче же яко не ими водящаго и. Скори же вь помощех и готови кь послушанию, блажени Сергие явися ему тогда, и за руку емы, кь раце приведе. Человекь же ть тькмо прикоснувся ракы святого, абие прозре и виде всехь, иже вь церкви, и тако велиемъ гласомь благодарение вьздааше святому о прозрени своемь. И тако пребысть от часа оного, не исходе от монастира.
О отроковици. Отроковица же некаа такожде та слепа сущи, и нимала зрака отнудь имущи, и такожде и та, некымь водима, прииде, и тькмо приближениемь ракы святого, прозре. И бысть тако зрящи, яко николиже пострадавши таковыхь.
Инь же юноша такожде духомь нечистимь одержимь на многа лета, и многу страсть приимаше, многащи бо его бесь