пометаше и пени тому тещись твори, яко и всему телу его черну являтися от зелниа мукы находящаго на нь беса. Темь и многыми человекы едва удержимь бываше. От крича же гласа его вси ужасахуся. Пришедшу же ему въ монастирь, молитвами святого исцеле. И от того дне обещася не отступити от монастира. Бысть же смислень, яко ничтоже пострадавь.
О сухуруку имущемь. Ин же юноша, Леонтие именемъ, имее леву руку суху от осми леть, тькмо едини кости и кожа сущи. Тела же никакова видетися, пригрьблена же бе кь самому рамени его, темь и хождаше, страньствуя. Пришедшу же ему вь весь едину монастиря оного, и тамо явися ему великы вь чюдесехь Сергие, глаголя: «Человече, аще хощеши исцеление получити, иди вь монастирь, егоже слышалъ еси Сергиевь, и тамо исцеление получиши». Шед же юноша по гласу оного, явлъшася ему, прииде вь монастирь