Божии, ть да будеть тебе прибежище и сила на врагы и на противление кознемь и лаанию его». Прорек же ему, глаголя, яко на симь месте распространить Богь обытель велику, прославлятися святому его имени. И тако молитву сьтворивь, отиде вь путь свои.
Бе же святий вьзрастомъ тогда яко 23 лета, егда приять иноческы образь. Отсуду же великь некако мняшеся, и от всехь хвалим, и славу имеше от человекь многу. Нь онь же славитися, яко студъ и грехь вьменяше. Попечение же имеше много, еже бежати славы и работати Богу. Начат же вьздрьжатися више человеческыа силы, алкотою безмерною и наготою вь зимное время. Яко и самои земли раседатися от зелнаго мраза, ть же вь единои ризе, яко беспльтень, подвизаася. Аще бо и люту зиму видяше, нь сладко о сих вьздание ожидаше. И студению