хуся. Он же овехь ползи исподобляе, не некыми испьщреними и высокыми глаголи, нь Духу Святому ветийствующу усти его. Хотящеи же жити сь нимь утешаше ихь, глаголя: «Чада, да не устрашитъ васъ помысль, яко места пустиннаа и нужнаа. Весте бо, яко многыми скорбми подобаеть намъ вьнити вь Царство Небесное». Сиа святому кь ним глаголющу, беху вси повинующеся ему и ревнующе тому противу силе своеи. И беху по единому их вь келии безмльвьствующе, и тако братии числом множашеся и преспеваше благодатию Христовою.
О поставлени на священичество святого. Священнику же не сущу, зело тешко имеху си братиа, и молеху святого вьсприяти священичества сань. Оному же отрицающуся и глаголющу: «Яко выше моея меры есть дело сие». Оному же аще и не хотящу, нь молениемь Афанасиа епископа преклонися их волы, и от сего руковьзложениемь священству