имениа принесь сь собою. И дасть в руце святому вь еже болшу церковь вьзвигнути, еже и бысть. Сам же тъ Симон тако пребываше вь послушани святого. Елма же расуднеиши пастирь и премудрий вь добродетелех мужь монастирь болши вьздвигъ, келии убо четверообразно сьтворити повеле. Посреди же ихь церковь вь имя живоначалниа Троица, отвсюду видима, яко зрьцало, трапезу же и ина елика на потребу братиамь. Вь гльбоки же убо вечерь исхождаше по келиамь, хоте уведати коегождо труди. И егоже слышаша, бдеща или сь млъчаниемь делающа рукоделие, мльчаниемь отхождаше. А егоже обреташе сь инемь беседующа или смеющася, о семь убо негодаваше и перстомь ударае вь окьнце, симь назнаменаше свое пришествие.
О умножени молитвами святого. Случи же ся некогда оскудению быти вь монастири пшеници и иних потребнихь. И беху бра