быти вьмениша. И вьставшим имь от трапези, начаша вьпрашати святого, о нихже сьтвори. Он же рече: «Яко вь си чась епископъ Стефань гредии путем вь град Москву, и противу монастира нашего святеи Троицы поклонися и нась смерених благослови». Назнамена же и место, вь немже сиа быша. Гнаше же неции от братие вь нареченное место, хотеще известно уведети. Достиг же иже сь епископомь, вьпрашаху, аще истина есть. Уведша же истину, реченную святиимь, и тако беху дивещеся о прозорливомь дару святого. И хвалу вьздаше Богу, яже творить святиимь своим.
О поставлени Андроникова монастиря. Потреба же есть и се сказати о ученице святого, Андронику именемъ. Сьи бяще и града и отчьства святого. И убо юнъ си вьзрастомь, прииде кь блаженому оцу вь монастиръ и иноческаго житиа сподоблень бывь от него. И многа лета пребысть вь сьвершенемь послушании святого, всякыми же добродете