молюся тебе, владыко мои, яко да к тому прочее ни мне, ниже кому иному о мне не глаголеши, понеже никтоже сиа можетъ вь мне обрести». И якоже виде митрополить никакоже на се не преклонна, ничтоже не приложи глаголати ему о томъ, убоявсе, да некако, стужив си, отидетъ вь вьнутрьнюю пустиню, и такова светилника лишится. Утешив же его словеси духовними, отпусти его вь свои ему монастирь.
Не по мнозе же времени и митрополитъ Алексие от житиа отходить. И пакы начинають молити святого, еже вьсприяти архиереиства санъ. Нь тъ, яко же тверди адаманть, никакоже на се уклонися. Вьзиде же на престоль архиереискы некто архимандрить, Михаилъ именемь. И дерзну облещися вь одежду святительскую. И вьзложи на се бели клобукь. Начат же и на святого вьоружатися, мневь, яко святий хощеть архиереискы престолъ