Житие преподобного Сергия Радонежского – автограф Пахомия Логофета



Лист:
«Чадо, почто устрашишася духь твои?» И рече: «Господи, видехь чюдное видение, божествени бо огнь, паче же благодать Святого Духа, деиствующиа с тобою». Святии же запрети ему, рекь: «Да никомуже вьзвестиши, яже виде, дондеже Богь сьтворит, яже о мне и преведет ме от житиа сего». И тако обще хвалу вьздаше Богови.
Времени же некоему минувшу, прииде некы епископь от Костантина града вь господьствующи град Москву и слыша многа яже о святемъ. Слуху велику о нем повсуду распространившуся, даже и до самого Костантина града. Ть же епископь невериемъ одержимъ, глаголаше: «Како можетъ вь сих странахь таковь светилникь явитися, паче же вь последнаа сиа времена?» И помысли ити въ монастирь и видети святого. И бывшу ему близъ монастиря, начатъ страхомь сьмущатися. Пришедшу же ему вь монастиръ, и яко узре святого, слепота нападе на нъ. Преподобни емь его за руку, веде и вь келию свою. Ть же епископь

л. 361 об. - 362
Видение божественного огня на литургии.
Нач.: "По сих же блаженному служащу божественную литургию, бяше бо тогда Симонь еклисиархь…"

л. 362 - 362 об.
Чудо о прозревшем епископе.
Нач.: "Времени же некоему минувшу, прииде некы епископь от Костантина града…"