чистоту и еже от Бога мъздовьздааниа трудомь его. Положиша же честное его тело вь обытели, иже от него сьзданнеи.
Каа убо яже вь преставлении и по кончине сего чюднаа быша и бывають: раслаблених удовь стегнутиа, от лукавих духь человекь свобождениа, слепим прозрениа, слукымь исправлениа, тькмо ракы его приближениемъ. Аще и не хотеше святии, якоже в животе и по смертии славы, нь крепка сила Божиа сего прославы, емуже предидеху аггели вь преставлени кь небеси, двери предотверзающе раискыа, и вь желаемо блженство вьзводяще, вь покои праведнихь, вь свете аггелъ, вь яже присно желаше, зре. И всесвятиа Троици озарение приемле, якоже подобаше постнику и иноком украшению. Сицева отца течениа, сицева дарованиа, сицева чюдес приятиа, яже не тькмо вь животе, нь и по смерти, иже немощно есть писанию предати, елма убо тако яже о немь и доселе зрится. Принесими убо иже древле