страстоположителя Христа подражавъ.
О проявлени мощем святого. Приложено же и се буди кь предреченимъ, еже обретени мощи святого, когда и в кое време, егда вьсхоте Богь болми прославити угодника своего и болшую обытель вьздвигнути, прииде некы властелинь предреченнаго княза Владимира, живи от окрестних странь святого, и зре всегда от гроба святого чюдеса бывающаа. Минувшимъ 30-мь летомь по преставлени святого, молещу же ся предреченому властелину, яко велию веру имы кь святому, абие вь сьнь тонокь сведень бысть. И явися ему святии, глаголя: «Человече, глаголи братии: «вьскую ме остависте въ гробе толико время ськрьвена, воде прикасающися телеси моего»». Вьзьбнув же дивни он мужъ от видениа, страхом и радостию сьдержимь. И поведа ученику святого, Никону именемъ. Нь сиа в та времяна умльчаша до времене подобна. По сьмотрению же Божию помыслиша иную церковь болшу тоя възвдвигути. Темже