светь вели вьсиа. Оному же благословившуся от них, светоносни же онь мужь сь нимь пришедшему святителю келии основаниа показующу и благословившу место оно, абие невидими быша. Вьзьбнув же брать онь от видениа, болезнь на лици своемъ никакоже ощути, осезав же рукою, разуме, яко ни следа рани оноя остася на лицу его. Уведе же, яко старець онь явлеися святий Сергие есть, в одежди архиереистей - митрополить Алексие. Вина же явлениа оного бысть, яко да оного брата исцелить, обытел же благословитъ.
По сих же некоему архимандриту, такожде Игнатию именемъ, кь своему монастиру гредущу, случися ему приити вь монастирь, вечеру сущу глъбоку. И ту нощи оноя пребысть и пакы, вьставь рано, хоте ити вь путь свои, святого же презревь поклонитися. Исходящу же ему из врать монастирскыхъ, абие вси уди тела его раслабеше, яко не мощи от места оного