лное житие и кротчаиши нравь, премудрость же его и разумъ честна и любезна творяху всемъ. И дивляхуся вси, зрящеи его юностию обложена и такову мудрость имуща.
По сих же Кириль, отець его, преселися сь вьсемъ домомь своим от предреченнаго града Ростова вь место, нарицаемо Радонежь. Не яко место славно или нарочито, нь яко на томь месте Богу хотещу прославити угодника своего. Бе же Варфоломеи, сьблюдая душевную чистоту и желаше зело иноческое житие. Нь убо родители възбранимъ бываше. Глаголаху бо кь нему родителя его: «Чадо, веси нашу старость, яко кь концу есва, тькмо не веми день преставлениа своего. Иного же не имаве старости нашеи, служещаго, нь потерпи, дондеже Богь сьтворить, еже о насъ молить, и преведеть насъ от жи