тиа сего. Егда же гробу предаси нас, тогда никымь вьзбранимь будеши и якоже хощеши сьтвориши». Пречюдни же отрокь яко услыша умылениа глаголы родителеи своихъ, зело умылися и обещася има послужити, дондеже Богь изволить. И оттоли тщашеся всяческы угодити родителемь своимъ, яко да сподобится техь благословениа и молитвы. Не по мнозе же времени родителя его, иноческаго житиа сподобльшеся, от житиа отходеть. Варфоломей же проводивь ихь псалмопениемь и надгробниа отпевь, тако скутавь телеса ихь, погребе честно.
И пришед же вь домь отца своего, помысли же в себе, глаголя: «Яко и азь смертень есмь, якоже и родителие мои». И умысли раздати вся имениа отца своего требующимь. И изыде из дому отча, ничтоже имы сь собою по божественому апостолу: «Умети вся въмених, да Христа единого при