тщашеся грядущаго огня избежати. Видевше же беси себе утесняемихь, и по мале боящеся изгнаниа от места оного. И преображахуся убо, овогда вь зверя, овогда вь змии, покушающеся устрашити святого. И бе видети чюдное борение мужа: овы свисканиемь и зверскымь сверепствомъ устрьмляющеся, сьи же молитвою отражаа и якоже паучину присно раздираему сьтваряше. И тако благодетию Христовою пребываше от нихь невредимъ.
Въ едину же от нощи хоте ити вь церковь на обычное свое правило. И зрить явлено множество полкь бесовскыхь, якоже некое великое воиньство, ярость на святого показующе и зубы скоржищуще, яко, мнети, пламеню велику исходити изь устъ их. И яростне глаголаху кь святому: «Изыди от места нашего, изыди, яко да не зле умреши». Святий же на молитву вьоружашеся, никакоже бояся, ниже