удивися старца званию и скоро притече. Нъ убо всего видениа не сподобыся, нь частъ некую света оного, и зело удивися. Исповеда же ему святий вся по реду, яже виде и яже слыша. И беху убо вькупе радующеся душею и трепещуще от неизреченнаго видениа.
Иногда же служащу святому божественую литургию сь Стефаномь, братомъ своим, и Феодоромь, сыномь брата своего. Исакие вьзревь ко олтарю, и виде сь нимь служаща и иного некоего священника незнаема, емуже и странно видение, образ бо его святешеся красотою. И приступивь Исакие, вьпроси оца Макариа, аще весть оного, служеща съ святиимъ. Макарие же рече: «Не веде, чадо, откуду есть, и аз бо ныня видехь его, нь мню его сь княземь пришедша. Бе бо тогда князь Владимирь вь монастири. Нь дивлюся, - рече, - безмернеи его красоте». И начаша опасно зрети на нь. Бывшу же первому вьходу, и ть изы