належащу, или пакы снегу сь зелним ветромъ дихающу, иже не могущу ни вне келие изити, и елико время аще быша ту пребыли, то потребнаа от обытели приимаху. Князямь, убо и велможамь подобающую честь. Странним же и нищимь потребнаа всемъ и нескудно, паче же пути належащу от всехь странь земли тоя. Симь тако бываемомь даже и до ныня. Бе же некто святого ученикь, предпоманути Исакие, сьи убо многажди молаше святого вь еже благословити его вь мльчащихь пребывати чину. К нему же доброрасуднаа глава отвеща: «Аще же мльчанию желаеши, о, Исакие, вь гредущи день сподобишися ихже желаеши». Заутра же святому божественую службу сьвершающу, приходить Исакие кь северним вратомъ. Святий же, знаменавь его рукою, рече: «Господь да исплънить желание твое». И бысть егда благославляше его, виде онь Исакие, яко некы пламень изьшед от руку святого и всего Исакыа окружи.