вь свои монастир пакы възвратися.
Въ мале же времени происхождаше слава велиа о чюдномь Андронице, яко и многымь кь нему сьтицатися. Он же бе вся добре управляе, и елико множашеся стадо его, толико и подвигомь болшимь приимашеся, вьздрьжанию зелному прилежа, и всенощному бдению, посту же и молитве. И кто исповесть елика добрий он мужь собою исправи? Коегождо бо яко отець наказуе и обще сьглашение творя, запрещаше же и моле, вьставляе на невидимиа врагы, и теготи всех нося, и братьству велику умножившуся. Андроник же добре поживь и врученое ему стадо добре упась, разуме же и свое кь Господу отхождение и вьручаеть паству своему ученику, Саве именемь.
О Съмоновском монастиря. Преже убо беседовахомь еже о Стефане, брату святого, иже и привед сына своего Феодора и дасть в руце