от ученик своих. Сам же пакы вьзвратися вь свои ему монастирь.
Видев же вь то время блажений митрополить Алексие себе от старости изнемогша и кь концу приближающася, призиваеть убо святого Сергиа. И сему пришедшу, и беседующима има, повеле митрополить изнести кресть сь парамандомь, златом же и бисеромь украшень, и даруеть святому. Он же смерениемь поклонися, глаголя: «Прости ме, владыко, яко от юности моея не бых златоносецъ, вь старости же наипаче, хощу в нищете пребывати». Архиереи же кь нему рече: «Вемь, чадо, яко сиа исправилъ еси, нь сьтвори послушание и приими от нась данное ти благословение». И тако вьзложи своима рукама на святого, яко некое обручение. По сих хотещихся ему глаголати, рече же кь святому: «Веди буди, преподобне, на что призвах те и что хощу яже от тебе сьтворити». Святий же отвещаи: «Ка