начать сльзами молити святого, исповедуе ему свое неверие, вькупе и прозрениа прося, окаана себе именуа, праваго пути погрешивь. Святии же умилосердися и прикоснуся ослепленим его зеницам, и абие прозре. Святии же глаголаше епископу: «Не высокомудрити, ни вьзноситися над смиреними, понеже праведни судиа вся зрить». Епископь же иже, прежде невериемь одержимъ, првоверною верою и велиемь гласомь всемь проповедаше его истинна человека Божиа быти, глаголаше бо: «Яко сподобы мя Богь видети достоине небесна человека и земна аггела». И тако отиде вь путь свои, проповедуе всемь, яже виде, славу вьздае Богови и угоднику его Сергию.
О исцелевшим человеце. Инь же бе человекь, живы вь окрестних месть монастира того. Случи же ся ему болезнь велиа, яко вь 20-тих днехь, ни же ясти, ни же сна причастися. Беху же сь ним и два брата по пльти, иже и скорбию и братнимь сьузомь сь