крушахуся, на долзе тому тако страждущу. Прииде же благи помыслъ вь сердце их: «Колико, - глаголюще, - Богь творит угодником своимъ Сергиемь, еда како и о нас умилосердится». И тако сьвещавшеся, несоша и кь святому, и положивше пред ногама святого, молеху еже помолитися о болещемь. Святии же възьмь священную воду и молитву сьтворивь, покропи болещаго. И абие вь ть час разуме болнии, яко облегчися болезнь его, и по мале часе вь сонь сведень бысть, и спа даже до заутра. Вьзьбнув же от сна здравь, яко ни следу болезни остатися на немь. И абие начать ясти, отиде, радуеся, вь свои домь, многа благодарениа вьзда Богу, творящему дивна и преславна святиимь своим. Ниже убо и се да покрито будетъ, елика творить Богь святиимь своимъ. Некогда бо князь Владимирь, о немже и прежде намь слово, сьи убо имеа веру велию къ святому, и часто прихождаше